Oralda basynan aýyr jaraqat alǵan er adam jedel járdem kóliginde kóz jumdy, dep habarlaıdy Egemen.kz.
BQO PD baspasóz qyzmetinen túsken málimetke qaraǵanda, oqıǵa 19 maýsym kúni Sholohov pen Sıolkovskıı kósheleriniń qıylysynda boldy.
Buryn bir-birin tanymaıtyn 20 jáne 46 jastaǵy azamattar arasynda kıkiljiń týyndady. Saldarynan tóbeles bolyp, 20 jastaǵy jigit urǵan kezde er adam jerge qulap, jabyq bas-mı jaraqatyn alǵan.
46 jastaǵy er adam esin jımastan, qalalyq kópbeıindi aýrýhanaǵa apara jatqan jolda jedel járdem kóliginde qaıtys boldy.
Qazirgi kezde QR QK 106-baby 3-bóligine (qasaqana aýyr dene jaraqatyn salý) sáıkes sotqa deıingi tergeý amaldary júrgizilýde.