Josparlanǵan joba jeterlik

О́ńirlik úılestirý  keńesi mú­shelerimen kóshpeli keńes ót­kizgen Almaty qalasynyń  ákimi Baqytjan Saǵyntaev kezekti ret qalanyń Indýstrıaldy aýma­ǵyndaǵy jobalarmen tanysty.

Osydan eki jyldaı buryn О́ńirlik úılestirý keńesiniń (О́ÚK) jumysy qaıta formattalǵan edi. Onyń quramyna sarapshylar, jumys istep turǵan kásiporyndar men salalyq kásipodaqtardyń basshylary engen.

О́tken eki jylda О́ÚK 12 otyrys ótkizse, 172,3 mlrd teń­geniń 51 jańa jobasy qoldaý taýyp, 6,5 myńnan astam ju­mys orny qurylǵan. Al ınves­tor­larǵa 185 gektar jer telimderi berilgen. Sondaı-aq tıimsiz paı­dalanylǵan 15 gektar ýchaske ońtaılandyryldy. Sonymen qa­tar 38 joba iske asyrylý dı­namı­kasynyń bolmaýyna baılanysty PAA portfelinen shy­ǵaryldy, 156 ga aýmaq bosatyldy.

Osy Indýstrıaldy aımaqta «G.S.G. Vysotnık» jáne «SK Rahat» JShS ataýlaryna ıe av­tok­lavtalǵan gazbeton shy­ǵaratyn eki kásiporyn iske qo­sylyp, eki kom­panııa da árleý jáne paıda­la­nýǵa berý jumystaryn aıaqtap qaldy.

Jobalarǵa 2 mlrd-tan astam teńge ınvestısııalanyp, 165-teı jumys ornyn qurý josparlanǵan. Bul jobalar iske assa, Almaty qalasy men oblystaǵy qurylys kompa­nııalardyń joǵary sapaly gazbeton bloktaryna degen suranysy qanaǵattandyrylmaq.

Indýstrıaldy aımaqtaǵy 10 gektardan astam alqap alıýmınıı jáne bımetall radıatorlaryn shy­ǵaratyn Qazaqstandaǵy alǵashqy zaýytty salatyn Valtherm JShS-ne berilgen. О́n­diristik nysannyń birinshi ke­zeńdegi qurylys-mon­tajdaý ju­mystary aıaqtalyp, qa­zirgi ýa­qytta syrtqy jeliler tar­tylyp, aýmaǵy abattandyrylyp jatyr. 430 jumys ornyn qurýǵa tıis óndiris ornyn bıyl qyrkúıek aıyn­da iske qosý josparlanǵan.

Bıylǵy jyldyń birinshi toq­­sanynda Indýstrıaldy aı­maqta qýaty jylyna 25 myń ton­nadan astam ónim shyǵaratyn KMK Investment JShS mys jáne alıýmınıı shybyq zaýyty paıdalanýǵa berildi. Jobanyń quny 11,3 mlrd teńgeni quraıdy. 2018 jyly KMK Investment jylyna 20 myń km kabel jáne sym ónimin shyǵaratyn zaýytty iske qosqanyn aıta ketken jón. Salynǵan ınvestısııa 12,7 mlrd teńgeni qurady, 100 jumys orny ashyldy. Investordyń bolashaq josparlary jetip artylady. Taıaý keleshekte Indýstrıaldy aımaqta Eýrazııalyq energetıkalyq kombınat ashýdy josparlap otyr. Munda kabeldik óndiriske qa­jetti kabelder, polıetılen jáne propılenge arnalǵan ın­no­vasııalyq mýftalar, qoryt­palardan ja­salǵan óte jeńil ka­beldik naý­a­lar, sonymen qa­tar energııa tı­im­diligi jáne ın­no­vasııalyq ázirlemeler sala­syndaǵy ǵylymı-zertteý ınstıtýty bolady.

Shilde aıynda Indýstrıaldy aımaqta 65 jumys ornyn ashý­ǵa múmkindik beretin quny 512 mln teńgeni quraıtyn Kaz-Dia-Test JShS medısınalyq-dıagnostıkalyq synaq júıelerin shyǵaratyn zaýyt iske qosylmaq. Kompanııa juqpaly jáne on­ko­­logııalyq aýrýlarǵa jedel test­ter shyǵarýdy, sondaı-aq má­denı medıanyń alǵashqy otan­dyq, serııalyq óndiristik ón­di­risin damytýdy josparlap otyr. Pandemııaǵa jáne ja­han­dyq jaǵdaılarǵa baılanys­ty zaýytta PTR-synaqtaryn, koro­navırýsqa arnalǵan ekspress-testter men onkologııany al­ǵash­qy satyda anyqtaıtyn jańa av­tomattandyrylǵan jelini iske qosý josparlanýda. Búgingi kúni óndiristik ǵımarat salý boıynsha qurylys-montaj jumystary  aıaqtaldy, bólmelerdiń ishin árleý jumystary júrýde.

Sondaı-aq «Álmerek» JShS medısınalyq ónimder shyǵaratyn zaýytty iske qosty.  Kásiporynda bir rettik sterıldi terapevttik shpatlalar, zondtar, jıyntyqtar, skarıfıkatorlar, suıyqtyqtardy va­kýýmmen qabyldaý júıeleri óndirisi bastaldy. Jobaǵa 443,4 mln teńge jeke ınvestısııa qu­ıyl­dy, 50 jumys orny qu­ryldy.

Sonymen qatar Baqytjan Saǵyntaev hımııa, qurylys jáne mashına jasaý salalary bo­ıyn­sha «BSF» JShS, «JBI Garant», «Álem tynysy» JShS, City Stone JShS, «Elektrobar» JShS, «Teplostıl» JShS jańa nysandarynyń qurylysymen tanysty. Bul ınvestısııalyq jo­balardyń jalpy somasy 3,8 mlrd teńgeni quraıdy, kásip­oryn­darda 340 jumys orny qurylady.

Budan bólek 6,2 myń jumys ornyn quratyn 211,7 mlrd teńgelik jobalary bar 54 kompanııa Al­maty qalasynyń ındýstrıaldy aımaǵyna qatysady. Búgingi kúni 14 joba iske asyryldy, onyń jal­py somasy 75 mlrd teńge, 2248 jumys orny quryldy.

О́ńirlik úılestirý  keńesinde aıtylǵandaı, 2021 jyldyń aıaǵyna deıin jalpy somasy  40,5 mlrd teńgeni quraıtyn 9 joba, ıaǵnı «SK Rahat», «G.S.G. Vy­sot­nık», «Kaz-Dıa-Test», City Stone, «Álem Tynysy», Asia steel pipe corporation, «Elektrobar», Valtherm, Technokont kásip­oryn­da­ryn iske qosý josparlansa, bul jobalar 823 adamǵa jumys taýyp berýi tıis.

Sol sııaqty Almatynyń is­kerlik aýmaǵynda bıyl 5 óndi­ristik park ashý, ShOB úshin 22 myń sharshy metr óndiristik alańdy paıdalanýǵa berý josparlanyp otyrǵany málim boldy. Bulardyń jalpy quny – 2,3 mlrd teńge jáne 860 jumys orny qurylady.

2025 jylǵa deıin Indýs­trıaldy aımaqta ınvestısııalyq jalpy quny 93 mlrd teńge bolatyn 28 jobany iske asyrý,

3 myń­nan astam jumys ornyn qurý josparlanǵan.

ALMATY