Pavlodar oblysynda jol apatynda júrgizýshi qaza taýyp, jolaýshy aýrýhanaǵa tústi, dep habarlaıdy Egemen.kz.
Oblystyq polısııa departamenti baspasóz qyzmetiniń málimetinshe, 21 maýsym kúni saǵat 11:20-da Jertumsyq aýylynyń janynda «Nıva» avtokóliginiń júrgizýshisi rýldi basqara almaı, «KamAZ» avtokóligimen soqtyǵysqan.
«Jol-kólik oqıǵasy saldarynan «Nıva» kóliginiń 53 jastaǵy júrgizýshisi alǵan jaraqatynan oqıǵa ornynda kóz jumdy. Avtokólikte bolǵan jolaýshy jaraqatymen aýrýhanaǵa jetkizildi», deıdi departamenttegiler.
Avtokólik arnaıy aıyp turaǵyna qoıyldy. Tekserý júrgizilýde.