QR Táýelsizdiginiń 30 jyldyǵy men Astana kúnine oraı QR Mádenıet jáne sport mınıstrligi men Nur-Sultan qalasynyń ákimdigi Qazaqstan, О́zbekstan jáne Qyrǵyzstan teatrlary arasynda shyǵarmashylyq kezdesýler ótkizedi, dep habarlaıdy Egemen.kz.
Elordalyq mádenıet basqarmasy basshysynyń málimetinshe, kórermender men teatr synshylarynyń nazaryna О́zbek ulttyq akademııalyq drama teatry men B. Kydykeeva atyndaǵy Qyrǵyz memlekettik jastar teatry, Q. Qýanyshbaev atyndaǵy Qazaq memlekettik akademııalyq mýzykalyq-drama teatry, Ǵ. Músirepov atyndaǵy Qazaq memlekettik akademııalyq balalar men jasóspirimder teatry, M. Áýezov atyndaǵy Memlekettik akademııalyq orys drama teatry úzdik qoıylymdaryn usynady. Gorkıı atyndaǵy memlekettik akademııalyq drama teatry, Qazaqstan Respýblıkasy Ulttyq ulan án-bı ansambli, Nur-Sultan qalasy ákimdiginiń Jastar teatry, «Astana Musical» memlekettik teatry jáne Á.Mámbetov atyndaǵy memlekettik drama jáne komedııa teatry bar.
«Elorda – óner ólkesi» shyǵarmashylyq kezdesýiniń sarapshylar alqasynyń quramyna Qazaqstannyń eńbek sińirgen qaıratkeri, ónertaný kandıdaty Jýasbek Erkinın, Halyqaralyq teatr synshylary birlestiginiń prezıdenti, teatr synshysy, ónertaný kandıdaty Anar Erkebaı, teatrtanýshy, ónertaný kandıdaty Baqyt Nurpeıis, teatrtanýshy Aızat Qadyrálıeva, synshy Gúlnar Ábikeeva, teatrtanýshy Mıras Ábil endi.