Aqtóbe oblysynda bolǵan jol apatynan úsh adam kóz jumdy, dep habarlaıdy Egemen.kz.
21 maýsym kúni saǵat 17:21-de Qarabutaq-Qostanaı avtojolynyń 171 shaqyrymynda Lifan avtokóliginiń 57 jastaǵy júrgizýshisi qarsy qozǵalysqa arnalǵan jolaqqa shyǵyp, RF azamatynyń basqarýyndaǵy MAN júk avtokóligimen soqtyǵysýǵa jol bergen. JKO nátıjesinde Lifan avtokóliginiń júrgizýshisi, 1980 jáne 1959 jyldary týǵan eki jolaýshysy JKO ornynda kóz jumdy, sonymen qatar 1969 jyly týǵan áıel men 1973 jyly týǵan er adam Áıteke bı aýdandyq aýrýhanasyna jetkizildi.
– О́kinishke qaraı, kólik júrgizýshileri men jaıaý júrginshiler jol abaısyzdyqty keshirmeıtindigin umytyp ketedi. Apatqa ákeletin basty sebepterdiń biri – jol qozǵalysyna qatysty erejelerdi sanaly túrde elemeýi, – deıdi Aqtóbe oblysy PD bastyǵy Atyǵaı Arystanov.