Qazaqstan Elshisi Ǵabıt Syzdyqbekov Serbııa Prezıdenti Aleksandar Výchıchpen kezdesti, dep habarlaıdy Egemen.kz.
Áńgime barysynda taraptar ekijaqty yntymaqtastyqtyń jaı-kúıi men keleshegin, sondaı-aq joǵary jáne joǵary deńgeıdegi ózara saparlardy talqylady.
A. Výchıch Qazaqstan men Serbııanyń qarym-qatynastarynyń ózekti ahýalyna joǵary baǵa berip, olardy jan-jaqty nyǵaıtýǵa múddeli ekendigin málimdedi jáne Nur-Sultanǵa Serbııanyń aýmaqtyq tutastyǵy men egemendigi máselesinde udaıy qoldaý kórsetkeni úshin alǵys bildirdi.
Prezıdent Qazaqstan Elshiliginiń eki el arasyndaǵy túrli salalardaǵy ózara is-qımyldy damytýǵa, sondaı-aq ekijaqty yntymaqtastyqtyń normatıvtik bazasyn keńeıtýge baǵyttalǵan kúsh-jigerin atap ótti. Atap aıtqanda, qazirgi ýaqytta 9 qujattyń jobalary qol qoıýǵa daıyn.
Sonymen qatar, halyqaralyq kún tártibindegi ózekti máseleler jóninde pikir almasyldy. Sondaı-aq, kezdesý barysynda ulttyq ekonomıkalardyń ósýinen keıingi kezeńde qalpyna keltirý taqyrybyna erekshe nazar aýdaryldy.