Qazaqstanda vaksınasııa úshin 4 túrli vaksına qoldanylady. Búginde vaksınanyń basqa túrin ákelýge naqty jospar joq. Bul týraly Ortalyq kommýnıkasııalar qyzmetinde ótken brıfıngte Úkimet basshysynyń orynbasary Eraly Toǵjanov málimdedi, dep habarlaıdy Egemen.kz.
Onyń aıtýynsha, bul halyq densaýlyǵynyń qaýipsizdigin tolyq qamtamasyz etýge múmkindik beredi.
«Kelissózder júrgizilip jatyr. Biraq jaqyn arada vaksınanyń basqa túrin ákelý josparda joq. Qazirgi kezde kóptegen memleket vaksınaǵa qol jetkize almaı otyr. DDSU málimetinshe, 2 paıyz deńgeıinde vaksınamen qamtamasyz etilgen kóptegen elderde jaǵdaı qıyndap barady. Memleket basshysynyń tapsyrmasyna oraı, naqty sharalar qabyldanyp, vaksınalar tegin berilip jatyr. Vaksına jasaý ońaı dúnıe emes. Kóp jumys atqaryldy, kóptegen kelissózder júrgizildi. Bir vaksına shyǵarýǵa sýbstansııa daıyndaý úshin 262 reagent kerek, ony 7 Eýropa memleketinen ákelýge jarty jyldan artyq ýaqyt ketedi. Elimizde 2,4 mln doza vaksına bar. Sizderdi el arasynda túsindirme jumystaryn júrgizýge atsalysýǵa shaqyramyn», dedi E.Toǵjanov jýrnalısterge qaratyp aıtqan sózinde.