Túrkitildes elder týrıstik is-sharalardyń ortaq kúntizbesin qurýdy josparlap otyr. Bul jóninde О́zbekstanda ótken túrkitildes elderdiń týrızm mınıstrleri otyrysynda aıtyldy, dep habarlaıdy Egemen.kz.
Jıynda kóne qala Ahsıkentte jyl saıyn «Túrik daýysy» atty án festıvalin uıymdastyrý usynyldy. Bul óz kezeginde túbi bir túrkitildes elderdiń rýhanı ári mádenı baılanysyn odan ári nyǵaıta túspek. Qazaqstannyń tarapy týrıstik baǵdarlama keler jyly iske qosylyp, alǵashqy týrıst saparǵa shyǵýy múmkin ekenin tilge tıek etti. Bul Shengen vızasynyń azııalyq balamasy bolady. Almatydan Hıýaǵa deıin baratyn «Uly Jibek joly» týrıstik marshrýtyna Túrki keńesine múshe ózge elderdi de qosý josparda bar. Jıyn sońynda О́zbekstannyń Qoqan qalasy túrkitildes elderdiń alǵashqy týrıstik astanasy bolyp jarııalandy.
«Bizdiń túrkitildes halyqtar úshin jáne Uly Jibek jolyndaǵy elder úshin «Sılk Road Vıza» óte mańyzdy. Sonymen qatar ártúrli memleketterdi qamtıtyn vıza bolǵandyqtan árbir memlekettiń usynystary men qoldaýlary qajet bolyp tur. Búgingi kúni óte kóp jumys isteldi. Árbir memlekette, sonyń ishinde О́zbekstannyń syrtqy ister mınıstrliginde bizdiń usynystarymyz jatyr. Búginde osy eki memleket bolyp jáne basqa da memleketterdiń arasynda qazir pikirtalastar bolyp jatyr», deıdi Mádenıet jáne sport mınıstri Aqtoty Raıymqulova.