Jyl saıyn Qazaqstannyń basqa eldermen úkimetaralyq kelisimderi sheńberinde qazaqstandyqtarǵa sheteldik oqý oryndarynda bakalavrıat, magıstratýra jáne doktorantýra/rezıdentýra baǵdarlamalary boıynsha tegin bilim alý múmkindigi beriledi, dep habarlaıdy Egemen.kz.
2021 jyly 330 qazaqstandyq jetekshi sheteldik joǵary oqý oryndaryna oqýǵa túsýge usynyldy. Onyń ishinde, Majarstanǵa - 250, QHR-ge – 47, Ýkraınaǵa - 10, Slovakııaǵa - 3, Ázirbaıjanǵa - 8, Polshaǵa - 11, Vetnamǵa - 1. Tájikstanda oqýǵa qujattar áli qabyldanyp jatyr.Áńgimelesý qatań túrde reglament boıynsha ótkizildi, árbir úmitkerge myna tómendegini anyqtaý úshin úsh mindetti suraq qoıyldy:- mamandyq tańdaýdaǵy ýájdilik pen habardarlyq deńgeıi;- teorııalyq bilim deńgeıi jáne oqýdaǵy nemese tańdaǵan mamandyǵy salasyndaǵy jetistikteri;- oılaý logıkasynyń deńgeıi, sóıleý sapasy, jaǵdaıattyq máselelerdi sheshýdegi jeke qasıetteri men daǵdylary.Qorytyndy konkýrstyq komıssııa úsh krıterııdi baǵalaý qorytyndysy boıynsha eń joǵary ortasha baly bar úmitkerlerdi negizgi jáne rezervtik tizimge engizdi: shet tilin bilý deńgeıi, bilimi týraly qujattyń ortasha baly jáne áńgimelesý qorytyndysy boıynsha ortasha baǵa.Bilim berý granttaryn taǵaıyndaý týraly túpkilikti sheshimdi qabyldaýshy tarap qabyldaıdy.«Halyqaralyq baǵdarlamalar ortalyǵy» AQ úkimetaralyq granttardyń ákimshisi bola otyryp, Úkimetaralyq granttardy taǵaıyndaýǵa arnalǵan konkýrstyq irikteýge qatysý úshin ótinimderdi qolma-qol nemese «e-gov» elektrondyq úkimet portalynda onlaın qabyldaıdy.