Almaty ákimi Baqytjan Saǵyntaev Ortalyq kommýnıkasııalar qyzmetindegi baspasóz konferensııasynda sóılegen sózinde azyq-túliktiń baǵalaryn turaqtandyrý sharalary týraly málimdedi, dep habarlaıdy Egemen.kz.
Azyq-túlik taýarlarynyń baǵasyn turaqtandyrý úshin Almaty qalasynyń ákimdigi birqatar keshendi jáne jedel sharalar qabyldaǵan.
«Magným» men «Toımart» iri saýda jelilerink ÁMAT-tyń 15 ataýymen tirkelgen, tómen baǵamen satyp alyp, satý úshin jeńildetilgen qaryzdar berildi.
Sonymen qatar, «aınalym» nesıelerin berý arqyly iri taýar óndirýshilerdiń satý baǵalary belgilendi. Máselen, nan jetkizý úshin «Aqsaı» «NTK» JShS, sıyr etin jetkizý úshin «Union Products» JShS qaryz berdi. Bul da taýyq etin dúkenderge V, S synyptan belgilengen baǵamen satýǵa múmkindik beredi.
«Aınalym» syzbasyna basqa da iri taýar óndirýshilerdi tartý qosymsha pysyqtalyp jatyr. Osylaısha, qazirgi ýaqytta 3 jyl merzimge belgilengen shekti baǵa boıynsha 49,6 mln jumyrtqa jetkizýdi uıymdastyrý úshin «Alsad» JShS-ne «aınalym» zaemyn berý máselesi pysyqtaldy.
Sondaı-aq «Asyl Meat» JShS sıyr etin V, S dúkenderine belgilengen baǵa boıynsha jetkizýdi uıymdastyrý úshin 2022 jyldyń maýsymyna deıin qaryz berildi.
Sonymen qatar 2021 jyly josparlanǵan «aınalym» qaryzy aıasynda sórede belgilengen shekti baǵasy bar «Aqsý Qant» JShS-nen «Magným» saýda jelisine 500 tonna qant jetkizilýde jáne eginnen 3000 tonna qant jetkizý uıymdastyrylady.
Qalanyń 7 negizgi azyq-túlik bazarlarynda (Kók bazar, Jańa Aqbulaq (kóterme saýda), Sary-Arqa, Tastaq, Taýsamaly, Almaty-1, Túrksib) «Áleýmettik dúkender» jumys isteıdi, onda ÁMBT-tyń 10 túri (kartop, sábiz, pııaz, qyryqqabat, qant, qaraqumyq, kúnbaǵys maıy, kúrish, rojkı, un) satylady. Belgilengen baǵalar ortasha naryqtyq baǵadan tómen, bul satýshylar arasynda básekelestik orta qalyptastyrady.
Budan basqa, 2020-2021 jyldary maýsymaralyq kókónister qurylymynyń oń nátıjeleri aıasynda 2021-2022 jyldardaǵy maýsymaralyq (2021 jylǵy qyrkúıekten 2022 jylǵy sáýirge deıin) «Magným» kókónisterimen jáne basqa da saýda jelilerimen qamtamasyz etý úshin 2,5 mlrd teńgege kókónis kóleminiń 22 myń tonnaǵa deıin ulǵaıýymen forvardtyq satyp alý sharty jasaldy.
Respýblıka boıynsha «forvardtyq» sharttar sheńberinde barlyǵy 38 myń tonna kókónis satyp alyndy, onyń 60%-y Almaty qalasyna tıesili.
Bıylǵy jyldyń 30 maýsymyna deıin birinshi sanattaǵy jumyrtqalarǵa shekti baǵa qoldanylady (487 tg/on). Sondaı-aq aq qyryqqabatqa 83 tg/kg mólsherinde 30 kún merzimge shekti baǵa belgileý pysyqtalýda.
Jalpy, áleýmettik mańyzy bar azyq-túlik taýarlarynyń baǵasyn ustap turý máselesi erekshe baqylaýda qalyp otyr.