Almatyda úsh kóshede kólik qozǵalysy ishinara shekteledi, dep habarlady Egemen.kz.
25 maýsym 22:00-den 26 maýsym 9:00-ge deıin (jumadan senbige deıin) Bostandyq aýdanynda Sátpaev kóshesi boıynda Baıtursynov kóshesinen Masanchı kóshesine deıingi shyǵys baǵyttaǵy aralyqta, sonymen qatar Jetisý aýdanynda Raıymbek dańǵylynyń boıynda batys baǵytta Kazakov kóshesiniń aldynda kólik qozǵalysy ishinara shekteledi.
27 maýsym 22:00-den 28 maýsym 10:00-ge deıin (jeksenbiden dúısenbige deıin) Bostandyq aýdanynda Sátbaev pen Naýryzbaı batyr kósheleriniń qıylysynda ishinara kólik qozǵalysyna shekteýler engiziledi.
Al 28 maýsym (dúısenbi) 9:00-den bastap 1 shilde 9:00-ge deıin Áýezov aýdanynda Momyshuly kóshesi boıynda Elemesov pen Marǵulan kósheleri aralyǵynda ońtústik baǵytta kólikter úshin jol jabyq bolady.
«Ýaqytsha shekteýler atalǵan kóshe jolynyń astynan ótetin jylý jelilerindegi shuǵyl jóndeý jumystaryn júrgizý kezinde qaýipsizdikti qamtamasyz etý úshin engizildi», dep habarlady «Almaty jylý jelileri» JShS.