Atalǵan preparatqa arnalǵan jańartylǵan nusqaýlyq paıda boldy, dep habarlaıdy Egemen.kz TASS-qa silteme jasap.
«Spýtnık V» koronavırýsqa qarsy vaksınasyn júkti áıelderge preparattyń ana úshin kútiletin paıdasy ishtegi nárestege yqtımal qaýipten joǵary bolǵan jaǵdaıda ǵana qoldaný kerek. «Júktilik kezinde «Gam-kovıd-vak» preparatyn klınıkalyq qoldanýdyń tájirıbesi joq. Janýarlarda reprodýktıvtik ýyttylyqty zertteý barysynda júktiliktiń ótýine, embrıofetaldyq damýyna (analyqtarda) jáne uryqtyń prenataldyq damýyna teris áseri anyqtalǵan joq. Osyǵan baılanysty júktilik kezinde «Gam-kovıd-vak» preparatynan kútiletin paıda yqtımal qaýipten joǵary bolǵan jaǵdaıda ǵana qoldaný kerek», delingen qujatta.
Alaıda, emizý kezinde «Spýtnık V» ekpesin saldyrýǵa bolmaıtyny aıtylǵan. Reseı Federasııasynyń Densaýlyq saqtaý mınıstri Mıhaıl Mýrashkonyń sózinshe, vaksınanyń qaýipsizdigin klınıkaǵa deıingi zertteýlerdiń oń nátıjelerin, sonymen qatar, tirkeýden keıingi zertteýler kezinde preparattyń tıimdiligi men qaýipsizdigi týraly derekterdi eskere otyryp, sarapshylar júkti áıelderge «Gam-kovıd-vak» vaksınasyn qoldanýǵa qarsy kórsetkishterdi alyp tastaý týraly sheshim qabyldaǵan. Mınıstr: «Osylaısha koronavırýs ınfeksııasynyń aýyr aǵymynyń qaýpi joǵary júkti áıelderdi vaksınalaý múmkindigi ashyldy», dedi.