Elimizdiń áskerı teńizshileri Armııa halyqaralyq oıyndaryna daıyndalýda, dep habarlaıdy Egemen.kz.
«Bul konkýrsqa qatysý úshin negizgi jáne rezervtegi kemeler belgilendi. «Saryarqa» zymyran-artıllerııalyq kemesi – negizgi, al «Mańǵystaý» – rezervtegi keme retinde belgilendi. Daıyndyq kezinde áskerı qyzmetshiler áýe jáne sýústi shartty nysanalaryn is júzinde atýdy oryndaıdy. Júzýshiler qutqarý quraldaryn qoldaný kezeńine daıyndalyp jatyr. Kemeniń myqtylyǵyn kórsetý jolyndaǵy kúreske erekshe nazar aýdarylady», dedi QR Qorǵanys mınıstrliginiń baspasóz qyzmetinen.
Atalmysh baıqaý 2015 jyldan bastap ótkiziledi. Elimizdiń áskerı teńizshileri 2015, 2016 jáne 2018 jyldary konkýrstyń kúmis júldegerleri atanyp, 2017 jáne 2019 jyldary – úshinshi oryn ıelengen bolatyn.
Aıta keteıik, bıyl halyqaralyq konkýrs Iranda ótedi.