Sanaly ǵumyryn gazetke arnaǵan

Qarshadaıynan qara sózdi pir tutyp ósken ushqyr qalam ıesiniń alǵashqy dúnıeleri aýdan­dyq gazette jaryq kórdi. Alaıda ol kisiniń eńbek joly Ál-Fa­rabı atyndaǵy Qazaq ulttyq ýnı­versıtetiniń jýrnalıstıka fa­kýltetin bitirgennen keıin jet­kinshekterdiń súıikti basylymyna aınalǵan, qazirgi «Ulan» gazetinen bastaldy. Osy basylymda júrip, jýrnalıstıkanyń qazanynda qaı­nap, mártebeli mamandyqtyń qyr-syryn úırendi. Sodan soń talaı talant túlep ushqan «Jas Alashta» eńbek etip, tanymdyq maqalalarymen elge tanyldy. Belgili qalamger Baýyrjan Omaruly «Jurt jadyndaǵy Jol­das­bek» atty esteliginde: «Jol­dasbekpen birge «Jas Alashta» eki-úsh jyl qyzmet istegen soń biz basqa jumysqa aýystyq. Ol sol basylymda qalyp, onshaq­ty jyl ter tókti. Gazettiń jyr­tyǵyn jamady. Kúndelikti aqpa­ratty ajdahadaı jutyp jatatyn basylymnyń ómiri tyǵyndal­maıtyn óńeshin toltyrýmen aına­lysty. Ol barlyq derlik janr­dy ıgerdi. Habar-oshar ázirleı­tin bólimde mashyqtanyp, qalamy­nan túrli zametka týyndatty... Qatar­ynan ozǵan zamandas kelbetin aıshyqtap, portrettik ocherk jazdy. Qaı basylymda qyzmet iste­se de, ol asqan uqypty­ly­ǵy­men kózge tústi» dep jazady.Keıinirek Joldasbek respýb­lı­­kalyq «Aıqyn» gazetiniń irge­ta­syn qalasyp, sonyń damýyna aıtar­lyqtaı úles qosty. «Jas qazaq» basylymy bas redak­torynyń orynbasary bolǵanda da jemisti jumys istep, elimizdiń ózekti máse­lelerin qalamyna arqaý etti. Biraz jyl ol kisimen áriptes bolǵan Parlament Senatynyń depýtaty, qalamger Nurtóre Júsip: «Jol­dasbek Dýanabaı únemi izdenis ústinde júretin. Qashan da tyńnan taqyryp tapqanǵa sheber edi. Eldiń kókeıinen shyǵatyn máselelerdi dereý ázirleıtin. Mu­nyń barlyǵy kóp oqýdan shy­ǵatyn qasıet. Álemdik jýrnalıstıka jańalyqtaryna jıi qulaq túrip júrý­shi edi. Onyń arhıvinde neshe túrli tanymdyq maqala jınaýly tura­tyn. Ol kisi qaljyńǵa sheber bo­latyn. Taýyp aıtqyshtyǵy da bar. Balasha aqkóńil edi» dep aıtady.Sanaly ǵumyryn qazaq jýrnalıstıkasyna arnaǵan asyl azamattyń oqyrmandary barda esimi umytylmaıdy dep senemiz.