Elimizdegi barlyq mektepter beınebaqylaý kameralarmen 100% qamtamasyz etilgen, dep habarlaıdy Egemen.kz.
«Bilim men ǵylym jáne Ishki ister mınıstrlikteriniń birlesip júrgizgen monıtorıngy osy kameralardyń 55% ǵana talaptarǵa saı ekeniń kórsetti. Bul máselelerdi sheshý úshin jergilikti bıýdjetterden 1,4 mlrd teńge qarajat qarastyryldy. Osyǵan baılanysty Soltústik Qazaqstan men Shyǵys Qazaqstan oblystarynda beınebaqylaý júıeleri máselesi sheshimin tapsa, Túrkistan, Atyraý, Jambyl oblystarynda qarajat jetkiliksiz deńgeıde qarastyrylǵan. Jergilikti ákimdikterge tıisti qarajat bólýlerin suraımyz», dedi Bilim jáne ǵylym mınıstri Ashat Aımaǵambetov Úkimet otyrysynda.
Onyń sózinshe, bilim berý uıymdarynda dabyl túımelerin ornatý jumystary júzege asýda. Búginde olardyń sany – 648. Almaty men Nur-Sultan qalalarynda bul másele tolyq sheshilgen.
«Problemany sheshý úshin jergilikti bıýdjetten 980 mln teńge somasynda qarajat kózdelgen. Biraq bul áli de jetkiliksiz. Túrkistan, Pavlodar, Batys Qazaqstan oblystarynda qarajat tolyq qarastyrylmaǵan», deıdi A. Aımaǵambetov.