Birikken ulttar uıymy kıberqaýipsizdik jahandyq ındeksi deńgeıi boıynsha 9 satyǵa kóterilip, 31 orynǵa ornalasty (buǵan deıin - 40 orynda bolǵan), dep habarlaıdy Egemen.kz.
Bul týraly BUU janyndaǵy Halyqaralyq elektr baılanysy odaǵynyń (HEBO) 29 maýsymda ótken konferensııasynda Kıberqaýipsizdiktiń jahandyq ındeksi týraly 4-shi basylym esebinde jarııalandy.
TMD aımaǵy boıynsha Qazaqstan 2-shi orynda, birinshi orynda – Reseı Federasııasy.
Reıtıng jasaý kezinde memlekettiń zańnamalyq bazasy, tehnıkalyq jáne uıymdastyrý is-sharalary, halyqaralyq arenadaǵy qyzmeti men aqparattyq qaýipsizdik salasyn damytýǵa baǵyttalǵan áleýeti negizge alynady.
Elimizdiń «Qazaqstan kıberqalqany» jáne «Sıfrlyq Qazaqstan» sııaqty strategııalyq baǵdarlamalarynda HEBO-nyń kıberqaýipsizdik jahandyq ındeksi aqparattyq qaýipsizdik boıynsha basty ındıkator bolyp esepteledi.
QR Sıfrlyq damý, ınnovasııalar jáne aeroǵarysh ónerkásibi mınıstrligi HEBO ujymyna ózara tıimdi seriktestik jáne kıberqaýipsizdikti damytý máseleleri boıynsha qoldaý kórsetkeni úshin alǵys aıtady.