Elorda ákimi Altaı Kólginov Ortalyq kommýnıkasııalar qyzmetinde ótken brıfıngte qoljetimdi baspana qurylysynyń qarqyny, turǵyn úı sertıfıkatynyń kólemin ulǵaıtý jáne qatysýshylar sanatyn keńeıtý týraly baıandady, dep habarlaıdy Egemen.kz.
«Qala turǵyndarynyń mańyzdy jáne ózekti máseleleriniń biri – turǵyn úı. Memleket basshysynyń tapsyrmasy boıynsha qoljetimdi turǵyn úı qurylysy kólemin ulǵaıtýdy júıeli júrgizip jatyrmyz. Mysaly, 2018 jyly 1100 áleýmettik páter, al 2019 jyly 2 900 áleýmettik páter salynsa, 2020 jyly osyndaı 7 000-nan astam páter salynyp, paıdalanýǵa berildi. Bıyl bul kórsetkishti 10 myńǵa jetkizýdi josparlap otyrmyz», dep atap ótti elorda ákimi.
Budan basqa, Nur-Sultan ákiminiń tapsyrmasy boıynsha turǵyn úı sertıfıkatynyń somasy 1 mln teńgeden 1,5 mln teńgege deıin ulǵaıtyldy. Qazaqstandyq turǵyn úı kompanııasynyń (QIK) baǵdarlamasy boıynsha qatysýshylar sanaty keńeıtildi. Oǵan medısına qyzmetkerleri, pedagogtar, áleýmettik qyzmetkerler, órt sóndirýshiler, tártip saqshylary, mádenıet jáne sport qaıratkerleri qatysa alady.
Sondaı-aq Elbasynyń bastamasymen qolǵa alynǵan «Jumys isteıtin jastarǵa arnalǵan satyp alý quqyǵynsyz jalǵa beriletin» baspana baǵdarlamasy bıyl da jalǵasady. Jyl sońyna deıin taǵy 1 myńnan astam jas baspanaly bolady.