Qyzylordada Tájikstannan Reseıge 20 tonna orama jip alyp bara jatqan júk kóligi otqa orandy, dep habarlaıdy Egemen.kz.
Oqıǵa búgin «Shymkent-Samara» tas jolynyń Jańaqorǵan aýdany aýmaǵynda bolǵan.
«Bul jaıyndaǵy habarlama saǵat 5.33-te aýdandyq №14 órt sóndirý bóliminiń beketine kelip tústi. Oqıǵa Jańaqorǵan aýdanynyń ortalyǵyna 45 shaqyrym qalǵan aýmaqta bolǵan. Tájikstannan Reseıge bet alǵan kólik tirkemesinde 20 tonna orama jip tıelgen. О́rt sóndirýshiler kúshimen kóliktiń kabınasy tolyqtaı saqtalyp qaldy. О́rt 07.22-de tolyǵymen sóndirildi. Oqıǵanyń sebebi anyqtalýda», dep málimdedi oblystyq tótenshe jaǵdaılar departamenti órt sóndirý jáne avarııalyq qutqarý jumystary qyzmetinen.