Toqaev pen Saǵyntaev – aǵylshyn tili páni boıynsha eń úzdik oqýshylar

Bular – «Bastaýysh synypqa arnalǵan aǵylshyn tili: oınaý arqyly oqytý», My best student’s book Aspect/Action 10-synyp, Aspect/Action 10-11-synyp for Kazakhstan, My best student’s book Excel 5-9-synyp, Excel 5-9-synyp for Kazakhstan, «Meniń jasyl planetam» jáne «Armanǵa jetý jolynda» bilim dodalary.

Mektep oqýshylary ara­syndaǵy baıqaý jeńimpaz­dary­nyń ishinde Taldyqorǵannan Álıhan Toqaev pen Nur-Sul­tannan Tımýr Saǵyntaev ta bar. Eń bastysy – bul balalardyń tekteri emes, bilimderi.

– Men Prezıdentpen jaı ǵana tektespin, bizdiń bir-biri­mizge týystyǵymyz joq, – dep áńgimeni birden bas­taǵan joǵary synyp oqýshysy Álı­han Toqaev odan ári bylaı deıdi: – Árıne, talaı adam bul týraly suraıdy, biraq bul maǵan jáne meniń damýy­ma esh áser etken joq. Ma­ǵan prezıdenttiń tegi úshin bes qoı­maıdy. Saıasatqa barýdy da jos­­parlamaımyn, medıa salasynda zertteý júrgizgim keledi, sol úshin til úırenip jatyrmyn, óıtkeni til álemge jol ashady. Prezıdentti tek teledıdardan kórdim, eger biz kezdesip qal­saq, árıne, qalaı Memleket basshysy bolýǵa bolatynyn, eldi basqarý qanshalyqty qıyn ekenin, onyń ómiri qandaı, shet tilderin qaıdan úırendi degen saýaldar qoıar edim.

– Men Baqytjan Saǵyn­taev­tyń kim ekenin de bilmeımin, Almatyda turmaımyn, elimizdiń astanasynda turamyn, – dep tań­dandy altynshy synyp oqý­shysy Tımýr Saǵyntaev. – Biz jaı ǵana tektespiz. Keıin kim bolatynymdy bilmeımin, qazir men aǵylshyn tilin úıre­nip júrmin, bul men úshin ma­ńyzdy. Sodan keıin basqa tildi úırengim keledi, óıtkeni bul meniń qolymnan keledi.

Edu Stream bilim berý or­talyǵy men Express publi­shing halyqaralyq baspasy osymen besinshi jyl ótkizip jatqan aǵylshyn tilin úırenýshilerge arnalǵan baıqaýlarǵa qatysý­shylardyń deńgeıi aıtarlyqtaı joǵary ekenin atap ótý kerek. Pandemııaǵa qaramastan, qaty­sýshylardyń sany ósti, bıyl Qa­zaqstannyń túkpir-túkpirinen 500 muǵalim men 3000 oqýshy ózderiniń sabaqtarynyń beınejazbalaryn jiberdi, tipti buryn osy pándi bilmegen Ba­tys jáne Ońtústik Qazaqstan oblys­tarynan qatysqandar da bar. Balalar óz shaǵyn fılm­derinde qazaq jáne brıtan dástúrlerin zerttep, salystyrdy, planetaǵa, ósimdikter men janýarlar álemine qam­qorlyq jasaýǵa shaqyrdy. Tipti bir qyz jerdegi barlyq adam teń ekenin dáleldeı otyryp, «Qara jorǵa» men brıtandyq Morıs bıiniń arasynda parallel júrgizdi.

– О́z muǵalimimmen birge bıo­­logııa týraly aǵylshyn tilin­­de beınematerıal túsirip jat­­qan kezim maǵan unady, – dep moıyndady Gran-prı ıegeri Ivan Kazmın. – Sol ýaqyt ishinde men bolashaqta óz ju­mysymdy ekologııamen baı­la­nystyramyn dep sheshtim, óıt­keni eger biz qazir ǵalam­shar­dy kútýdi bastamasaq, júz jyl­dan keıin tirshilik ataýly joıylýy múmkin.

– Men muǵalimder men olar­dyń oqýshylarynyń tehnı­kalyq, zııatkerlik, aqparattyq, kom­mýnıkatıvtik jaǵynan da­mýynyń nátıjesin kórip otyrmyn, olar úsh tilde sóıleıdi. Biz sondaı-aq aıqyn azamattyq ustanymdy, patrıotızmdi, óz eline degen súıispenshilikti baıqaımyz. Biz basqa, joǵary sanaly deńgeıge jetip jatqan jańa býyndy kórip otyrmyz. Munyń bári bizdiń eń­begimiz, óıtkeni muǵalimder shá­kirtteri úshin ómir súredi jáne jumys isteıdi, al olardyń je­tistigi – bizdiń maqtanyshymyz.

Endi muǵalimderdi jaqynda jańa shyǵarmashylyq beınematerıaldar baıqaýy kútedi, onda olar óz jumysy týraly krea­tıvti túrde áńgimeleıtin bolady. Baıqaý bir jyl buryn karantınniń eń qıyn kezeńinde oqytýshylar men oqýshylardy qoldaý maqsatynda bastalǵan bo­la­tyn, deıdi Edu stream bilim berý or­talyǵynyń bas dırektory.