2021 jyldyń sońyna deıin Respýblıkanyń 8 oblysynda belsendi uzaq ómir súrý ortalyqtary ashylady. Nátıjesinde qart adamdardyń densaýlyǵyn qoldaý jáne bos ýaqytyn uıymdastyrý jónindegi mekemeler Qazaqstannyń barlyq óńirlerinde jumys isteıtin bolady. Bul týraly Aǵa býyn azamattardyń jaǵdaıyn jaqsartý jónindegi vedomstvoaralyq komıssııanyń birinshi otyrysynda QR Eńbek jáne halyqty áleýmettik qorǵaý vıse-mınıstri Erlan Áýkenov málimdedi, dep habarlaıdy Egemen.kz.
Is-sharaǵa Eńbek jáne halyqty áleýmettik qorǵaý, densaýlyq saqtaý, mádenıet jáne sport mınıstrlikteriniń, sondaı-aq jergilikti atqarýshy organdardyń ókilderi qatysty.
Otyrys barysynda densaýlyq saqtaý júıesin jetildirý jáne qart adamdardyń bos ýaqytyn uıymdastyrý úshin jaǵdaı jasaý máseleleri talqylandy.
QR Eńbekmıniniń ókilderi 2025 jylǵa deıingi «Belsendi uzaq ómir súrý» aǵa býyn azamattarynyń jaǵdaıyn jaqsartý jónindegi is-sharalar josparyn iske asyrý barysy týraly habardar etti. Ol jergilikti bıýdjet esebinen belsendi uzaq ómir súrý ortalyqtaryn qurýdy kózdeıdi. Búgingi kúni mundaı ortalyqtar 9 óńirde: Nur-Sultan, Almaty, Shymkent qalalarynda, Aqmola, Jambyl, Qaraǵandy, Qostanaı, Aqtóbe jáne Túrkistan oblystarynda ashylyp, jumys isteýde.
Ortalyqtardyń jumysy qart adamdarǵa densaýlyqty qoldaý boıynsha kómek kórsetýge, qolaıly jáne kedergisiz orta qurýǵa, olardy qoǵamdyq ómirge tartýǵa baǵyttalǵan. Onda ıoga, skandınavııalyq júris, aıkýne boıynsha sabaqtar ótkiziledi; medısınalyq, psıhologııalyq jáne zań konsýltasııasy; IT jáne smart-saýattylyqqa, shet tilderine oqytý; kóshpeli is-sharalardy uıymdastyrý, mádenı obektilerge barý; taqyryptyq konsertter men ózge de is-sharalar ótedi.
«Ardagerler men zeınetkerlerge qamqorlyq jasaý, qart adamdardyń ómir súrý sapasyn jaqsartý, onyń ishinde júıeli bos ýaqytty uıymdastyrý, ishki shyǵarmashylyq áleýetti iske asyrý úshin jaǵdaı jasaý, olardy qoǵamnyń belsendi ómirine tartý memlekettik saıasattyń basym baǵyttarynyń biri bolyp tabylady. Osy ortalyqtardyń jasy ulǵaıǵan azamattardy qoǵamǵa áleýmettendirýdegi mańyzdylyǵyn eskere otyryp, osy jyldyń sońyna deıin qalǵan óńirlerde osyndaı ortalyqtar ashý qajet», dep atap ótti QR Eńbek jáne halyqty áleýmettik qorǵaý vıse-mınıstri Erlan Áýkenov.
Egde jastaǵy adamdardyń densaýlyǵyn saqtaýdy jetildirý bóliginde emhanalar janynan gerıatrııalyq kabınetter ashý máseleleri qaraldy.
Erlan Áýkenov óńirler deńgeıinde jumys isteıtin densaýlyq saqtaýshy jáne densaýlyqty nyǵaıtýshy tehnologııalardy aıqyndaý, sondaı-aq densaýlyqty saqtaý úshin neǵurlym mańyzdy is-sharalardy ózektendirý qajet ekenin atap ótti. Vıse-mınıstr aldyn alý sharalaryna erekshe nazar aýdarýǵa shaqyrdy.
Otyrys barysynda Almaty qalasy áleýmettik ál-aýqat basqarmasynyń basshysy Almasbek Qurmanǵalıev pen Aqmola oblysy jumyspen qamtýdy úılestirý jáne áleýmettik baǵdarlamalar basqarmasynyń basshysy Dına Ahmetjanova aǵa býyn azamattarynyń jaǵdaıyn jaqsartý jónindegi óńirlik josparlardyń oryndalýy týraly baıandama jasady.
Esterińizge sala ketsek, 2025 jylǵa deıingi «Belsendi uzaq ómir súrý» is-sharalar josparyn QR Eńbek jáne halyqty áleýmettik qorǵaý mınıstri Serik Shápkenov 2021 jylǵy aqpanda bekitken bolatyn. Ol egde jastaǵy adamdardyń ómir súrý sapasyn arttyrý, halyqtyń salaýatty ómir súrý uzaqtyǵyn arttyrý, qart adamdardyń áleýmettik jáne psıhologııalyq ál-aýqatyn jaqsartý, egde jastaǵy adamdardyń qoǵam ómiriniń ártúrli salalaryna, eldiń áleýmettik-ekonomıkalyq damýyna qatysý múmkindikterin keńeıtý úshin is-sharalardy kózdeıdi. Osy Jospardy iske asyrý úshin úlken jastaǵy adamdardyń jaǵdaıyn jaqsartý máseleleri boıynsha vedomstvoaralyq komıssııa quryldy.
Qazaqstanda 65 jastan asqan shamamen 1,5 mln adam nemese búkil halyqtyń 7,8% - y turady. Bul kórsetkish sońǵy 6 jylda 1% - ǵa ósti (2015 jyly 6,8%).