Jańa ákimshilik sottar ashyldy

«Halyq únine qulaq asatyn memleket» tujyrymdamasynyń basty quraldarynyń biri bolyp sanalatyn jańa kodeks mem­lekettik, ákimshilik organdar­men qarym-qatynastarda azamat­tardyń jańa quqyqtyq kepil­dikterin jáne olardyń quqyq­tary men zańdy múdde­lerin, o­nyń ishinde sot isin júrgi­zý­diń ja­ńa nysany arqyly qorǵaý­dyń neǵurlym joǵary deńgeıin belgiledi.

Memlekettik basqarýdyń tıim­­­diligi edáýir jaqsarǵan damy­­ǵan elder ózderiniń jetistikte­rin osy ákimshilik ádiletpen baı­lanys­­­tyrady. Sondyqtan Mem­leket basshysy Qasym-Jomart Toqaev 2019 jyly Qazaqstan hal­­qyna Joldaýynda ony is júzi­ne asyrýdy tapsyrǵan bolatyn.

Jańa MÁS-da respýblıka sot­tary sýdıalarynyń shtatyn qaıta bólý esebinen barlyǵy 180-ge jýyq sýdıa jumys isteıdi. Olar­dyń quramyn qalyptastyrý tolyqtaı aıaqtaldy. Sýdıalyq laýazymdardyń 90%-yna joǵary biliktiligin rastaǵan tájirıbeli Femıda qyzmetkerleri ornalas­ty. Soǵan qaramastan, barlyq taǵaıyn­dalǵan sýdıalar Joǵarǵy Sot janyndaǵy Sot tóreligi akademııasynda ákimshilik sot isin júr­gizý modeline kóshý sheńbe­rinde qosymsha oqytýdan ótetin bolady.

MÁS-ǵa ákimshilik memleket­tik qyzmetshiler personalyn (314 memlekettik qyzmetshi) jınaqtaý respýblıka sottary­nyń jumys istep turǵan qyzmetker­leriniń shtatyn ulǵaıtpaı, ishki rezerv esebinen júzege asyryldy.

Ashyq, tez jáne sapaly qyz­met kórsetý formatynda ju­mys isteý úshin barlyq kúsh-jigerdi jumsaýǵa daıyn bilikti mamandarǵa artyqshylyqtar be­ril­di. MÁS basshylary áriptes­terin kelýshilermen qarym-qa­tynasta olardyń tilekterin tyń­­daýǵa jáne usynylatyn sot qyz­­metteriniń sapasyn arttyrý úshin qoldan kelgenniń bárin jasa­ýǵa shaqyrdy.

Jańa ákimshilik sottardyń ǵımarattarynda servıstiń tıisti deńgeıin qamtamasyz etý úshin aǵymdaǵy jóndeý jumystary júr­gizildi, úı-jaılar qajetti jıhazben jáne IT-jabdyqpen jaraqtandyryldy, bul ABT-men jáne t. b. onlaın sot prosesterin júrgizýge múmkindik beredi.

Árbir tilek bildirýshi qajetti málimetterdi tez jáne tolyq alý, qujattardy joldaý, olardyń qozǵalysyn baqylaý, sondaı-aq sot prosesi qashan jáne qaıda óte­tinin bilýi úshin proseske kelý­shiler men qatysýshylarǵa baryn­sha qolaıly jaǵdaı jasaý­ǵa erekshe nazar aýdaryldy.

Qaýipsizdik normalarynyń, sot isin júrgizýdiń qazirgi zamanǵy standarttaryna qoıylatyn talap­tardyń saqtalýyna, halyq­tyń áljýaz toptary úshin obek­tiniń qoljetimdiligin qamtamasyz etýge kóńil bólindi.

Joǵarǵy Sot Tóraǵasy Ja­qyp Asanov ortalyq mem­le­ket­­tik organdar úshin ótkiz­gen­ semı­nardyń úlgisi boıynsha MÁS tóraǵalaryna jergi­lik­ti basqarmalar men vedom­stvo­lar basshylaryna ÁRPK mańyz­dylyǵyn túsindirý mindeti qoıyldy. Olardyń nazary aza­mat­tardyń problemalaryn to­lyq jáne ýaqtyly sheshýdiń ma­ńyz­dylyǵyna aýdarylýy tıis.

Naıl AHMETZAKIROV,

Joǵarǵy sot janyndaǵy

Sottardyń qyzmetin qamtamasyz etý

departamentiniń basshysy