Búgin, 2 shildede О́ńirlik kommýnıkasııalar qyzmetiniń baspasóz konferensııasy barysynda Almaty qalasy Sanıtarlyq-epıdemıologııalyq baqylaý departamentiniń basshysy Jandarbek Bekshın qalada paıda bolǵan koronavırýstyń jańa shtamdary týraly málimdedi, dep habarlaıdy Egemen.kz.
J. Bekshınniń aıtýynsha, Almatyda epıdemııalyq ahýal jáne ınfeksııanyń taralýyna jol bermeý karantındik sharalardy saqtaýǵa jáne megapolıs turǵyndarynyń vaksınalaný qarqynyna tikeleı baılanysty.
Almatynyń bas sanıtarlyq dárigeri dert juqtyrǵandar sanynyń kúrt ósýine baılanysty epıdemıologtardyń 18 maýsymnan bastap Almatyda mýtasııalanǵan shtamdarǵa zertteý júrgize bastaǵanyn atady. Qalada buryn epıdemııalyq ahýaldyń brıtandyq «Alfa» shtamyna qatysty bolsa, endi boljam boıynsha Nur-Sultan qalasy men Reseıden kelgen «Delta» shtamynan órshı túsken. J. Bekshınniń aıtýynsha, 30 maýsymda kezekti zertteýlerdiń nátıjesi alynǵan. «46 synamanyń 36-da «Delta» shtamy, 8-inde «Alfa» shtamy jáne ekeýinde – ashylmaǵan mýtasııa anyqtaldy. Almatydaǵy epıdemııalyq ahýal koronavırýs dertine shaldyqqandardy zertteý barysynda anyqtalǵan 78% úlgisinde COVID-19 jańa «Delta» shtamyna baılanysty bolýda», dedi Sanıtarlyq-epıdemıologııalyq baqylaý departamentiniń basshysy. J. Bekshın qala turǵyndary men qonaqtaryn halyq kóp jınalatyn oryndarǵa barmaýǵa, áleýmettik qashyqtyq pen betperde rejımin saqtaýǵa shaqyrdy.
Koronavırýstyń jańa shtamy tez taralatynyn ári qala turǵyndarynyń densaýlyǵy úshin óte qaýipti ekenin, sondyqtan vaksınalaný qajettigin eske saldy.