Fintech Hub AIFC Mastercard jáne Internet bastamalaryn damytý qorymen (RF) birlese otyryp, Qazaqstan bankterine arnalǵan alǵashqy fınteh akseleratoryn iske qosady, dep jazady Egemen.kz.
«Astana» halyqaralyq qarjy ortalyǵynyń jyl saıynǵy Astana Finance Days IV konferensııasy aıasynda Mastercard halyqaralyq tólem júıesiniń qoldaýymen korporatıvtik ınnovasııalarǵa arnalǵan paneldik sessııa ótti.
Jıynǵa Mastercard Ortalyq Azııa boıynsha bas dırektory Rafal Trepka , VTB Akseleratorynyń pılottyq jobalarynyń jetekshisi Marııa Gorına, Ovision kompanııasynyń kommersııalyq dırektory jáne teń quryltaıshy Mıhaıl Kozlov, Ak Bars bankiniń ınnovasııalar jónindegi dırektory Damır Galıev jáne Internet bastamalardy damytý qorynyń korporatıvtik baǵdarlamalar departamentiniń dırektory Irına Tarasova qatysty. Olar óz tájirıbesin bólisip, qarjylyq korporasııalar men startaptar arasyndaǵy tabysty yntymaqtastyq týraly aıtty.
Is-shara barysynda AHQO Fintech Hub Qazaqstan bankteri úshin alǵashqy fınteh akseleratorynyń iske qosylǵany týraly habarlady. Baǵdarlama Mastercard jáne Internet bastamalardy damytý qorymen (FRII) birlesip júzege asyrylyp jatyr.
Akseleratordyń maqsaty - bankterdiń ózekti bıznes-suranystaryna Qazaqstan men TMD elderiniń qarjylyq tehnıkalyq startaptarynyń úzdik tehnologııalyq sheshimderin tartý jáne pılottaý, bolashaqta startaptarmen jumys isteýdiń jeke baǵdarlamalaryn júrgizý úshin bankterdiń ınnovasııalyq komandalaryn oqytý, qarjy sektorynda ashyq ınnovasııalar praktıkasyn damytý jáne Qazaqstan bankterin tehnologııalyq turǵyda jetildirý.
«Qazaqstan — Mastercard úshin basym naryqtardyń biri. Halyqaralyq tájirıbemizge, qaýipsiz jáne senimdi tehnologııalarǵa súıene otyryp, seriktesterimizdiń odan ári damýyn qoldaımyz. Men bul birlesken joba jańa ónimder men qyzmetterdiń paıda bolýyna yqpal etetinine, ınnovasııalyq bıznes-jobalardyń qaınar kózine aınalatynyna, al jalpy alǵanda qolma-qol aqshasyz ekonomıkanyń odan ári damýyna járdemdesetinine senimdimin», deıdi Ortalyq Azııadaǵy Mastercard bas dırektory Rafal Trepka.
FRII korporatıvtik baǵdarmalar departamentiniń dırektory Irına Tarasovanyń aıtýynsha, baǵdarlamada jetekshi reseılik korporasııalarmen, sonyń ishinde Reseıdegi eń úzdik 20 bankpen jumys isteý barysynda jınaqtalǵan FRII tájirıbesi qoldanylady.
«Bul Qazaqstannyń fınteh ortasynda ınnovasııalyq júıeni damytýǵa paıdaly bolatynyna senimdimiz. Birinshi banktik akselerator aıasynda biz ınnovatorlar men bıznes-tapsyrys berýshilerdiń komandalaryn oqytamyz, bankterdiń suranysyn tujyrymdaýǵa, startaptardyń tıisti sheshimin tabýǵa kómektesemiz», deıdi ol.