Osy jyldyń 1 qańtarynda «Dala ýálaıaty gazetiniń» jaryq kórgenine 126 jyl toldy. Bul týraly «Qazaqstan» telearnasy habarlady.
Basylym Omby qalasynda 1888 jyldyń 1 qańtarynan 1902 jyldyń 12 sáýirine deıin qazaq, orys tilderinde «Akmolınskıe oblastnye vedomosta» gazetine qosymsha retinde shyǵyp turdy.
Gazettiń qazaqsha nusqasyna Eshmuhamed Abylaıhanov pen Dinmuhamed Sultanǵazın redaktorlyq jasady. Bastapqyda jarty baspa tabaq kóleminde 4 bet bolyp aptasyna bir ret basylǵan gazet, segizinshi nómirden bastap 1 baspa tabaq kóleminde 8 bet bolyp shyqty. Onyń beıresmı bóliminde Ybyraı Altynsarın, Shoqan Ýálıhanov týraly materıaldar basyldy. Sondaı-aq, Abaı, Máshhúr Júsip Kópeev, Shákárim Qudaıberdiuly, Álıhan Bókeıhanov, Barlybek Syrtanov, Otynshy Áljanov, Sádýaqas Shormanov, Jaǵypar Aımanov, Asylqoja Qurmanbaev, Qorabaı Japanov, Muhamedjan Seralın, Jaqyp Aqbaev, Ámire Aıtbaqın jáne taǵy basqalardyń shyǵarmalary, hattary men maqalalary jarııalanyp turdy.
Basylym materıaldary táýelsizdik jyldary bıblıograf-ǵalym Úshkiltaı Sýbhanberdınanyń qurastyrýymen 4 kitap bolyp jaryq kórdi.
Baqytbek Keneshuly.
Derekkóz: «Qazaqstan» telearnasy
Foto: «Qazaqstan» telearnasy.