Almaty aglomerasııasyn damytý jóninde keńes ótkizdi

Jıynda Premer-Mınıstrdiń orynbasary Roman Sklıar, Almaty qalasynyń ákimi Baqytjan Sa­ǵyntaev, Almaty oblysynyń ákimi Amandyq Batalov baıandama jasady. Dúnıejúzilik bank­tiń Ortalyq Azııa boıynsha ba­ǵ­darlamalar úılestirýshisi Sasha Djýmena aglomerasııalar­dy damytý boıynsha álemdik táji­rıbeni qoldaný týraly baıandady. Talqylaýǵa Energetıka mınıstri Nurlan Noǵaev, Ekologııa, geologııa jáne tabıǵı resýrstar mınıs­tri Maǵzum Myrzaǵalıev, Sıfr­lyq damý, ınnovasııalar jáne aero­ǵarysh ónerkásibi mınıstri Baǵdat Mýsın jáne t.b. qatysty.

Memleket basshysy Qasym-Jomart Toqaevtyń bıylǵy 17 naý­ryzda Almaty qalasynyń áleý­mettik-ekonomıkalyq damý máse­leleri jónindegi keńeste bergen tapsyrmalarynyń oryndalý ba­rysy qaraldy.

Biryńǵaı ıntegrasııalanǵan kólik júıesin qurý, ınjenerlik, turǵyn úı, týrıstik jáne áleý­mettik ınfraqurylymdy damytý, bilim berý jáne densaýlyq saqtaý, kásipkerlik jáne ınvestısııalar tartý, qorshaǵan ortany qorǵaý jáne Almaty aglomerasııasynyń eldi mekenderin gazdandyrý, sondaı-aq Almaty qalasynyń aı­nalasyndaǵy azyq-túlik beldeýin nyǵaıtý jobalary talqylandy.

Almaty aglomerasııasyn damytý jónindegi óńiraralyq is-sharalar jospary 2030 jylǵa deıin 108 is-sharany oryndaýdy kózdeıdi. Josparlaý kezinde paıdalanylǵan boljamdarǵa sáıkes, qala turǵyndaryn qosa alǵanda, Almaty aglome­rasııa­synyń halqy 2030 jylǵa qaraı 1,6 mln adamǵa ulǵaıady jáne 4,7 mln adamnan asady, olar 860 myń ga astam aýmaqqa qonystanady. 2020 jyldan bastap jospardyń 60 tarmaǵy boıynsha jobalardy iske asyrý bastaldy, olardyń 13-i aıaqtaldy.

Premer-Mınıstr bıylǵy 20 tamyzǵa deıin «Úlken Alma­tynyń» tórt qanatqaqty jobasyn iske asyrý: ekologııalyq problemalardy sheshý (Green Almaty), bir­yńǵaı kólik modelin jáne da­mý strategııasyn ázir­leý, ShOB sıfr­ly kartasyn qalyp­tastyrý, monıtorıng pen TJ aldyn alý­dyń keshendi júıesin ázirleý máse­lelerin pysyqtaýdy tapsyrdy.

Sıfrlyq damý, ınnovasııalar jáne aeroǵarysh ónerkásibi mınıstrligine bıylǵy 1 qarashaǵa deıin Almaty qalasynda sıfr­ly tehnologııalardy (AT-qum­salǵyshtar) damytý jóninde sharalar qabyldaý tapsyryldy.

Indýstrııa jáne ınfraqu­rylymdyq damý mınıstrligine bı­ylǵy 20 qazanǵa deıin aglo­me­rasııanyń biryńǵaı kólik mo­delin ázirleý tapsyryldy.

Almaty qalasyna jumys sapary aıasynda Úkimet basshysyna Almaty qalasy halyqaralyq áýejaıynyń jańa termınalyn salý jobasy usynyldy, ol jyldyq jolaýshylar aınalymyn 6 mln adamǵa ulǵaıtýǵa múmkindik beredi. Iske asyrý merzimi – 2021-2023 jyldar.

A.Mamın «Aıýsaı» sel ustaı­tyn bógetiniń, sondaı-aq Almaty qalasynyń kólik jáne áleýmettik ınfraqurylym nysandarynyń qurylys alańdaryna bardy.

Almaty metrosy

uzara túsedi

Sondaı-aq Premer-Mınıstr Asqar Mamın Almaty qalasyna jumys sapary aıasynda qalalyq metropolıtenniń damý barysyn tekserdi.

Qazirgi tańda metropolıtenniń birinshi jelisiniń jumys istep turǵan 9 metro stansasyna qo­symsha «Saryarqa», «Dostyq» jáne «Qalqaman» stansalary saly­nyp jatyr, bul jeliniń jalpy uzyn­dyǵyn 10,3 shaqyrymnan 15,9 shaqyrymǵa deıin, al jolaý­shylar aǵynyn táýligine 46 myń­nan 93 myń adamǵa deıin arttyrady.

Osy jyldyń sońyna deıin «Saryarqa» jáne «Dostyq» stansalarynda qurylys-montajdaý jumystaryn aıaqtap, tehnıkalyq iske qosý josparlanǵan. 2022 jyldyń I toqsanynyń sońy­na deıin iske qosý-retteý jumys­ta­ryn aıaqtaý jáne stansalardy paı­dalanýǵa berý kózdelgen.

«Qalqaman» stansasynda qurylys-montajdaý jumystary bastaldy.

Úkimet basshysy Almaty metro­polıteniniń birinshi jeli­siniń II kezegin damytý boıynsha josparlanǵan barlyq jumystyń ýaqytyly jáne sapaly aıaqtalýyn qamtamasyz etýdi tapsyrdy.

«Altyn Orda»

kólik aıryǵy paıdalanýǵa beriledi

Premer-Mınıstr Asqar Mamın Almaty qalasyna jumys sapary aıasynda «Altyn Orda» bazary mańyndaǵy kólik aıryǵy – «Almaty-Bishkek» avtomobıl jolynyń 16-19 km ýchaskesin qaıta jóndeý barysymen tanys­ty.

Joba ınjenerlik kommýnıkasııalardy qaıta ornata otyryp, ýchaskeni 4 jolaqtan 10 jo­laqqa deıin keńeıtýdi, negizgi magıs­tral­dy estakadany, «taǵa» tú­rindegi burylý estakadasyn, Aq­saı ózeni arqyly ótetin kópir­di, son­daı-aq jerústi jaıaý júr­gin­­shi­ler ótkelderin salýdy kóz­deıdi.

Úkimet basshysy barlyq sapa standarttaryn qamtamasyz ete otyryp, jumys qarqynyn arttyrýdy jáne olardy bıyl qazan aıynda aıaqtaýdy tapsyrdy.

«Kólik aıryǵyn osy jylǵy qarasha aıynda paıdalanýǵa berý qajet. Joba Almaty qalasy men Almaty oblysy arasyndaǵy kó­lik qa­tynasyn jaqsartady», dedi A.Ma­mın.

Úlken Almaty aınalma jolyn aıaqtaýdy tapsyrdy

Premer-Mınıstr Asqar Mamın bıylǵy 1 shilde kúni Al­maty qalasyna jumys sapary aıa­synda Úlken Almaty aınalma avtomobıl jolynyń (ÚAAAJ) salyný barysyn tekserdi.

ÚAAAJ – Qazaqstan men Or­talyq Azııadaǵy memleket-jeke menshik áriptestik sala­syndaǵy jol qurylysynyń iri ınfraqurylymdyq jobasy. Qu­ry­lys-montaj jumystarynyń quny 150 mlrd teńgeni quraıdy. Jo­­bany Eýropa qaıta qurý jáne damý banki, Islam damý ban­ki, Eý­razııa damý banki qarjy­lan­dyrady.

Konsessııa shartyna 2018 jyly 20 jyl merzimge qol qo­ıyldy. Konsessıoner – «Alsım Alarko», «Makıol Inshaat», «SK Ekoplant», «Koreıa Ekspressveı» sekildi Túrkııa jáne Ońtústik Koreıa kompanııalary qurǵan «ÚAAAJ Investısııalar jáne Operasııalar» JShS.

Almaty qalasynyń tóńire­gindegi uzyndyǵy 66 shaqyrymdyq jáne alty jolaqty qozǵalysty úlken aınalma avtomobıl joly I tehnıkalyq sanat parametrlerine sáıkes keletin bolady. Avtojol qurylysymen qatar jańa kópir­ler, kólik jolaıryqtary men estakadalar salý kózdelgen.

Jobany iske asyrý kólik qyzmetin kórsetý sapasyn arttyrady, jol qozǵalysy qaýipsizdigin qamtamasyz etedi, avtomobıl kóli­giniń qorshaǵan ortaǵa teris áserin azaıtady. ÚAAAJ paıda­lanýǵa berilgennen keıin barlyq tranzıttik aǵyn – táýligine shamamen 38 myń avtomobıl Almaty qalasyn aınalyp ótetin bolady. Bul rette Qytaı men Eýropa ara­syndaǵy júk tasymaldaý kólemi ósedi dep kútilýde.

Qurylys alańyna shamamen 1600 adam men 600 birlik tehnıka ju­myldyrylǵan. Qurylys asa belsendi júrgiziletin kezde 3 myńǵa jýyq adamdy tartý jos­parlanyp otyr.

Úkimet basshysy qurylys-montajdaý jumystarynyń qar­qynyn arttyrýdy jáne barlyq sapa standarttaryn qamtamasyz ete otyryp, kesteden 2 jylǵa erte­rek, jumysty 2022 jyldyń sońyna deıin aıaqtaýdy tapsyrdy. «ÚAAAJ qurylysy Almaty aglomerasııasyn ǵana emes, sondaı-aq jalpy eldiń tranzıttik-kólik áleýetin damytý úshin de mańyzdy», dedi A.Mamın.