Qazaqstan Respýblıkasy Premer-Mınıstriniń orynbasary Eraly Toǵjanovtyń tóraǵalyq etýimen qalyptasqan sanıtarlyq-epıdemııalyq talaptardy saqtaı otyryp, «Arhıv isiniń ózekti máseleleri jáne damý josparlary» taqyrybynda respýblıkalyq keńes ótkizildi.
Keńeste otandyq arhıv salasynyń qazirgi jaı-kúıi, arhıv isi jáne qujattama salasynda normatıvtik-quqyqtyq bazany jetildirý, arhıv isinde zamanaýı aqparattyq tehnologııalardy qoldaný, memlekettik arhıvterdiń materıaldyq-tehnıkalyq jabdyqtalýy, «Arhıv – 2025» keshendi josparynyń iske asyrylýy, Saıası qýǵyn-súrgin qurbandaryn tolyq aqtaý jónindegi memlekettik komıssııanyń arhıvtermen jumys júrgizýdiń jaı-kúıi jáne basqa da ózekti máseleler talqylandy.
Arhıv isiniń ózekti máseleleri men damý josparlary týraly Mádenıet jáne sport mınıstri A.Raıymqulova, Parlament Májilisiniń depýtaty A.Sarym, qoǵam qaıratkeri S.Qasymov, Arhıv isteri jáne qujattamany basqarý komıtetiniń tóraǵasy Q.Borash sóz sóıledi.
Búgingi tańda arhıv salasyna Memleket basshysy, Úkimet jáne mınıstrlik tarapynan aıryqsha kóńil bólinýde. Qazaqstan Respýblıkasy Prezıdentiniń tapsyrmasyna sáıkes arhıv salasyndaǵy memlekettik saıasatty úılestirýge ýákiletti vedomstvo retinde Mádenıet jáne sport mınıstrliginiń Arhıv isteri jáne qujattamany basqarý komıteti quryldy. Sondaı-aq Úkimet qaýlysymen 22 jeltoqsan «Arhıvıster kúni» bolyp belgilendi. Sala tarıhynda alǵash ret «Arhıv salasynyń úzdigi» tósbelgisi taǵaıyndaldy. Memleket basshysynyń tapsyrmasy boıynsha 2020 jylǵy 1 qańtardan bastap respýblıkalyq Mádenıet jáne arhıvter uıymdarynyń qyzmetkerlerine 50% kóleminde, al kommýnaldyq (óńirlik) uıymdardyń qyzmetkerlerine laýazymdyq jalaqysynyń 35% mólsherinde qosymsha aqy belgileý arqyly jalaqy kólemi arttyryldy. Arhıvısterdiń jalaqysyn kóterýge baılanysty jumystar odan ári jalǵasyp jatyr. Taıaýda ótken Qazaqstan Respýblıkasy Qaýipsizdik Keńesi otyrysynyń qorytyndysy boıynsha arhıv qyzmetkerleriniń zııandy (erekshe zııandy) jáne qaýipti (erekshe qaýipti) eńbegi úshin qosymsha aqy tóleýdi qarastyrý maqsatynda Eńbek kodeksine sáıkes tıisti tizbege memlekettik arhıv mekemeleri qyzmetkerleriniń laýazymdaryn engizý boıynsha naqty sheshimder qabyldanýda.
Keńes aıasynda qujattyq kórme uıymdastyrylyp, alǵash ret arhıv isine úles qosqan sala ardagerleri «Arhıv salasynyń úzdigi» tósbelgisimen marapattaldy.