Oral óńiriniń birqatar shalǵaıdaǵy aýdandarynda jaryq ýaqytsha bolmaı qaldy. Buǵan joǵary voltti elektr kerneýleri men symdarynyń birinen soń biri byt-shyt úzilýi sebepshi boldy.
Oral óńiriniń birqatar shalǵaıdaǵy aýdandarynda jaryq ýaqytsha bolmaı qaldy. Buǵan joǵary voltti elektr kerneýleri men symdarynyń birinen soń biri byt-shyt úzilýi sebepshi boldy.
Mundaı tosyn jaǵdaı qýat jelilerine qalyń qyraý turǵandyqtan oryn alǵan. Jyly aýa men salqyn aýanyń bir-birimen túıisýi qalyń tumannyń túsýine, óz kezeginde munyń ózi qyraýdyń odan saıyn qalyńdaýyna áser etken.
Jasyratyny joq sol bir kúnderde shalǵaıdaǵy aýyl turǵyndarynyń kúni pilte shamǵa qarap qaldy. О́tken ǵasyrdyń jaryq berýshi quraly bolǵan bul shamnyń ózi búginde ońaılyqpen tabyla bermeıdi. Elektr jaryǵynyń joqtyǵy onyń kómegimen jumys isteıtin búgingi zamanǵy kompıýter, ınternet, uıaly jáne kádimgi telefon baılanystarynyń da ýaqytsha toqtap qalýyna ákelip tiredi.
– Munda adam faktory oryn alǵan joq. Oqys oqıǵa tehnogendik sıpattaǵy sebepterden týyndady. Elektr jaryǵy aýyldyq okrýgterde ýaqytsha bolmaǵanymen turǵyn úıler men áleýmettik-turmystyq ǵımarattarda jylý men sý úzilgen joq. Oryn alǵan jaǵdaıdy qalpyna keltirý isimen arnaıy brıgadalar ýaqytpen sanaspastan kúndiz-túni aınalysty. Sonyń nátıjesinde qazir aýdan ortalyǵy men aýyldyq okrýgterge túgeldeı derlik jaryq qaıtadan berildi, – dep habarlady gazet tilshisine shalǵaıdaǵy Kaztalov aýdanynyń ákimi Nurlan Bekqaıyr.
Temir QUSAIYN,
«Egemen Qazaqstan».
Batys Qazaqstan oblysy.