Almatyda indetke shaldyqqandar on ese kóbeıdi

Epıdemıologtar qalada sońǵy eki aptada KVI derti 1 143-ten 2 377 jaǵdaıǵa deıin­ ós­­kenin alǵa tartyp otyr.

«Almatyda 17 maýsymnan bastap epıdemııalyq jaǵdaı mýtasııalanǵan jańa «Delta» shtamynyń taralýyna baılanysty kúrdelene tústi. О́t­ken aptada PTR nátıjeleri al­dyńǵy 7 kúndegi 130-ǵa qa­ra­­ǵanda táýligine 215-ke deıin ósti», dedi qalanyń Bas sanı­tar­lyq dárigeri Jan­dar­bek Bekshın.

Ol megapolıste qazirdiń ózinde 56 myńnan astam adam, onyń ishinde maýsym aıyn­da 4 573 adamnyń vırýs juq­tyrǵanyn aıtty. 2021 jyldyń birinshi jartyjyldyǵynda dert ótken jyldyń osy ke­zeńimen salystyrǵanda 10 ese­ge artqan. J.Bekshın mega­polıste koronavırýs juq­tyrǵandardyń sany nelikten tez óskenin túsindirdi.

«Derttiń kúrt ósýin ko­ro­navırýstyń «tórtinshi tol­qyny» dep ataýǵa bolady. Biz dertke qarsy tura alamyz, qazirdiń ózinde 3 500 tósektik oryn daıyndaldy. Qazirgi kez­de naýqastarǵa arnalǵan 1760 tósektik oryn bar. Olar­dyń sanyn 35%-ǵa arttyramyz», dedi ol.

Almatynyń bas sanı­tarlyq dárigeri úndi shtamyn juqtyrǵan áıel men onyń balasynyń jaǵdaıy týraly da baıandady. Áıeldiń aıtýynsha, iri qurylys dúkenine barǵan kórinedi, ınfeksııany sol jerde juqtyrýy múmkin.

Almaty epıdemıologtary indet oshaqtary – otbasylyq sharalar, toılar, mereıtoılar, eske alý keshteri ekenin alǵa tartyp otyr. Sondaı-aq túngi klýbtarǵa kelýshiler, karaoke oryndarynan 0,2%-ǵa óskenin aıtady. Al ASHYQ jobasyna qatysatyn nysandarda ınfeksııa jaǵdaılary tirkelmegen. Bul rette otbasylarda juqtyrýdyń úles salmaǵy – 25%, saýda nysandarynda – 23%, qoǵamdyq kólikte qatynaý – 16,7%, bu­qaralyq is-sharalarǵa qatysý kezinde 6% quraıdy.

«Delta» shtamynyń balalar men jastarǵa naqty áseri qandaı desek, ótken ap­tada 14 jasqa deıingi balalar arasynda aýrý 2,3%-ǵa ósken. Almatyda «Delta» shtamy­nyń úles salmaǵy 78 paıyzdy quraıdy.

Dert juqtyrǵandar sany­nyń kúrt ósýine baılanys­ty 18 maýsymnan bastap mega­polıste mýtasııalanǵan shtam­darǵa zertteý júrgizile bas­taǵan edi. Bas sanıtar 30 maý­symda kezekti zertteýlerdiń nátıjesi alynǵanyn baıandaı kele: «46 synamanyń 36-da «Delta» shtamy, 8-inde «Alfa» shtamy jáne ekeýin­de – ashylmaǵan mýtasııa anyq­taldy. Almatydaǵy epıde­mııalyq ahýal koronavırýs dertine shaldyqqandardy zertteý barysynda anyq­talǵan 78% úlgisinde jańa «Delta» shtamyna baılanysty ýshyǵyp otyr», dedi.

J.Bekshın kezekti ret qala turǵyndary men qonaq­taryn halyq kóp jınalatyn oryndarǵa barmaýǵa, áleý­met­tik qashyqtyq pen betperde rejimin saqtaýǵa shaqyrdy. Almatynyń bas sanıtarlyq dárigeri koronavırýstyń ja­ńa shtamynyń tez taralatynyn ári qala turǵyndarynyń densaýlyǵy úshin óte qaýipti ekenin, sondyqtan vaksınalaný qajettigin eske saldy.

ALMATY