Eset batyr el esinde

Halqyna qorǵan, ultyna uran bolǵan Tama Eset batyr Kóki­ulynyń qazaq eliniń táýelsizdigi jolyndaǵy erlik isteri urpaqtar jadynda máńgi saqtalady. Jońǵar shapqynshylyǵy kezinde Kishi júzdiń qalyń qolyn basqaryp,  qolbasshylyǵymen tanylǵan batyr babamyzdyń 325 jyldyǵy merekelengende basyna sáýleti kelisti kesene turǵyzylyp, túne­melik úı salynǵan-dy.

Halqyna qorǵan, ultyna uran bolǵan Tama Eset batyr Kóki­ulynyń qazaq eliniń táýelsizdigi jolyndaǵy erlik isteri urpaqtar jadynda máńgi saqtalady. Jońǵar shapqynshylyǵy kezinde Kishi júzdiń qalyń qolyn basqaryp,  qolbasshylyǵymen tanylǵan batyr babamyzdyń 325 jyldyǵy merekelengende basyna sáýleti kelisti kesene turǵyzylyp, túne­melik úı salynǵan-dy.Sodan beri batyrlyǵymen qosa, áýlıeliligine ıisi qazaq bas ıgen Eset batyrdyń zıratyna táý etýshiler, dertine shıpa izdep kelýshilerdiń legi áste de úzilgen emes. Osyny eskergen oblys ákimi Arhımed Muhambetovtiń bastamasymen osy jerdi tarıhı, rýhanı-mádenı orynǵa aınaldyrý qolǵa alyndy. Jaqynda tama Eset batyrdyń memorıaldyq kesheni ashyldy. Keshenniń ashylýyna kezinde óńirdiń ekonomıkalyq-áleýmettik jáne mádenı-rýhanı salalarynyń damýyna úles qosqan soǵys jáne eńbek ardagerleri qatysty.

Batyrdyń memorıaldyq ke­she­niniń saltanatty ashylýynda sóz alǵan óńir basshysy Arhı­med Muhambetov Elbasy Nur­sultan Nazarbaevtyń ult­tyq tarıhymyzdy túgendeý jáne mádenı muralarymyzdy  ulyq­taýdy basty nazarda ustap kele jatqanyna toqtala kelip, jınalǵandardy batyr babamyzǵa arnalǵan memorıaldyq keshenniń paıdalanýǵa berilýimen quttyqtady.

  Shyǵys úlgisinde kúmbezdelip salynǵan memorıaldyq keshen  zamanaýı jabdyqtalǵan, alys-jaqynnan keletin qonaqtar úshin barlyq jaǵdaı jasalǵan. Keshende 250 oryndyq ashana, namazhana, qonaqtar úshin jataqhana bar. Osynda Eset batyrdyń mura­jaıy da ornalasqan. Qazir osy mu­rajaıdy batyrǵa qatysty já­di­gerlermen, ol ómir súrgen kezeń­­niń biregeı eksponattarymen tolyqtyrý jumystary júrgi­zilýde. Murajaıǵa batyr ba­ba­myzdyń bes qarýyn qoıý da oılas­tyrylýda. Keshen qurylysyna 144 mıl­lıon teńge qarjy jumsalǵan. Onyń basym bóligi oblystyq bıýdjetten bólingenimen, demeýshiler de qarjylaı qoldaý kórsetken. Bolashaqta kúre joldan osynda keletin joldy jóndeý, Eset batyr kesenesine kóteriletin baspaldaqtardy keńeıtip, qalpyna keltirý qolǵa alynatyn boldy. Memorıaldyq keshenniń ashylý rásiminde Eset batyr babamyzǵa arnalyp as berilip, quran baǵysh­taldy. Sharaǵa shaqyrylǵan eńbek jáne soǵys ardagerlerine oblys ákiminiń baǵaly syılyqtary tapsyryldy.

Satybaldy SÁÝIRBAI,

«Egemen Qazaqstan».

Aqtóbe oblysy.