Soltústik Qazaqstannyń Qarabek kólinde balyq qyrylyp jatyr. Mamandardyń esebinshe, qazirgi ýaqytta shamamen 500 kelige jýyq móńke balyǵynyń ólekseci sýdan shyǵarylǵan, dep habarlaıdy Egemen.kz Almaty.tv arnasyna silteme jasap.
Adamdar balyqtyń qyrylýyna monshanyń jumysy sebep bolýy múmkin dep sanaıdy. Alaıda naqty belgisiz. Qazirgi ýaqytta veterınarlyq qyzmet pen ekologtar sý men ólgen balyqtyń synamasyn alyp, zerthanalyq saraptamaǵa jibergen.
«Qazirgi ýaqytta balyqtyń ne sebepten qyrylǵanyn naqty aıtý qıyn. О́lgen balyqtyń naqty sanyn da aıtý qıynǵa soǵyp otyr. Sebebi, bul ózen emes, bul kól. Jeksenbi kúni balyqtyń qyrylyp jatqanyn bilgen soń, birden sol jerge baryp, jumysshylarmen ólgen balyqty jınadyq. Bul jumystar áli de jalǵasýda», dedi Beskól aýyldyq okrýgi ákiminiń mindetin atqarýshy Máýlen Qasymǵojın.