Oblys ákimi Arhımed Muhambetov «Aqtóbe» komandasynyń fýtbolshylaryn qabyldady. Byltyr aqtóbelik aıaq dop sheberleriniń besinshi ret elimizdiń chempıony bolǵany belgili. Kezdesýde sóz alǵan óńir basshysy Qazaqstan fýtbolynyń júz jyldyǵyna komanda ujymy laıyqty tabystar tartý etkenin atap ótti.
Oblys ákimi Arhımed Muhambetov «Aqtóbe» komandasynyń fýtbolshylaryn qabyldady. Byltyr aqtóbelik aıaq dop sheberleriniń besinshi ret elimizdiń chempıony bolǵany belgili. Kezdesýde sóz alǵan óńir basshysy Qazaqstan fýtbolynyń júz jyldyǵyna komanda ujymy laıyqty tabystar tartý etkenin atap ótti. El chempıony bolyp, Eýropa lıgasynda úsh kezeń oıyndaryn ótkizip, toptyq kezeńge deıin jetken «Aqtóbe» komandasy oıynshylaryna bosaǵadan attaǵan jańa jylda osy tabysty laıyqty jalǵastyrýdy tapsyrdy. Aldaǵy fýtbol maýsymyna komandanyń 90 paıyz jasaqtalǵanyn, bul ázirlik ujymǵa uıymshyl da órnekti oıyn kórsetýge múmkindik beretinine toqtaldy.
Arhımed Begejanuly ákimdik tarapynan fýtbolshylarǵa barlyq jaǵdaı jasalatynyn, Qobylandy batyr atyndaǵy ortalyq stadıonnyń ÝEFA talaptaryna saı ishinara qaıta jaraqtandyrylyp, kúrdeli jóndeletinin jetkizdi. Qarjylyq jáne jankúıerlik qoldaýdan da kendelik bolmaıtynyn jasyrmady. Komanda negizinen burynǵy oıynshylarmen jasaqtalǵanyn, jańadan taǵy da eki oıynshy qosylatynyn aıtty.
Satybaldy SÁÝIRBAI,
«Egemen Qazaqstan».
Aqtóbe oblysy.