Qazirgi tańda Túrkistan oblysynda 181 aýyl okrýgi bolsa, bıylǵy jylǵy aýyl ákimderin saılaý 63 aýyl okrýginiń 264 saılaý ýchaskesinde ótkiziletin bolady, dep habarlaıdy Egemen.kz.
Túrkistan oblysy saılaý komıssııasynyń tóraǵasy Álibek О́mirálıevtiń aıtýynsha, aǵymdaǵy jyldyń 25 shildesinde aldymen 60 aýyl okrýginiń turǵyndary óz tańdaýlaryn jasaıtyn bolady.
Búgingi kúnge deıin 230 aýyl ákimdigine úmitker azamattar tirkelip úlgergen. Onyń 76-sy tirkelgen saıası partııalardyń usynǵan úmitkerleri bolsa, 154-i óz-ózin usynǵan azamattar.
Saıası partııalar men jeke azamattardyń ózin-ózi usynýy boıynsha úmitkerlerdiń tirkelýi 14 shildege deıin jalǵasatyn bolady.