О́ndiristi óńirde bul kúnderi 50 mektep bolsa, onyń 21-i qazaq tilinde bilim beredi.
О́ndiristi óńirde bul kúnderi 50 mektep bolsa, onyń 21-i qazaq tilinde bilim beredi.
25 balabaqsha bar. Osy jyly 1933 sábı dúnıege kelipti. Jýyrda ǵana qalada kúrdeli «Aqbota» balalar baqshasy ashyldy. Oǵan qalalyq bıýdjetten 70 mıllıon teńgedeı qarajat bólinipti. Balabaqsha meńgerýshisi Lıýdmıla Labýdkonyń aıtýynsha, 13 topta, qazaq jáne orys tilderinde tárbıelenetin 320 bala bar. Balalar baqshasynda «Montessorı» jáne «sensorıka» atty pedagogıkalyq tehnologııa úlgileri qoldanylmaq. Bizdiń elimizdegi basqa baǵdarlamalardan ereksheligi, sábılerdi ózin-ózi damytýǵa, ózderiniń qalaǵan isterimen aınalysýǵa jáne álemdi óz qulshynysymen tanýǵa múmkindik beredi. Iаǵnı Montessorı pedagogıkasy HH ǵasyrdyń birinshi jartysynda 1909 jyly ıtalııalyq pedagog Marııa Montessorı tarapynan jasalǵan tárbıeleý júıesi kórinedi. Bul ádisteme árbir tárbıelenýshige degen dara tásildemege negizdelgen. Balalar dıdaktıkalyq materıaldar men sabaq uzaqtyǵyn árdaıym ózderi tańdaı otyryp, ózindik oılaý, ózindik erkin baǵytta damıdy. Sensorlyq balalar degenimiz – óz isine ózi súısinip, ózin-ózi taný.
Ekibastuzda elimizde qabyldanǵan «Balapan» baǵdarlamasyn iske asyrý aıasynda balalardy balabaqshamen qamtamasyz etý 95,5 paıyzdy qurap otyr. Jańa balabaqshaǵa Marııa Montessorıdiń úlgisimen tárbıelenetin «Aqbotanyń» sensorlyq balalaryna sporttyq modýlge arnalǵan sertıfıkat tabystaldy. Kimniń pedagogıkasyn oqysa da qazaqtyń ulttyq tanymdyq tárbıesine jetpeıtinin kesh túsinip qalmasaq boldy...
Farıda BYQAI,
«Egemen Qazaqstan».
Ekibastuz.