Mysyrdyń mınıstrler kabıneti respýblıkanyń qonaqúıleri men oıyn-saýyq oryndarynyń tolý normasyn qaıta qarap, ony tórtten birge arttyrdy, dep habarlaıdy Egemen.kz.
Tıisti qaýly 6 shildede premer-mınıstr Mustafa Madbýlıdiń tóraǵalyǵymen ótken úkimet otyrysynda qabyldandy. Qujat mátinine sáıkes, qonaqúıler, dámhanalar, meıramhanalar men kınoteatrlarǵa jalpy oryndardyń 50 paıyzdan 70 paıyzǵa deıin toltyrýǵa ruqsat etiledi.
Mysyrdyń týrızm mınıstri Haled Ál-Ananıdiń aıtýynsha, koronavırýstyń aldyn alý boıynsha birqatar sharalardy engizgennen keıin shekteýlerdi kezeń-kezeńimen alyp tastaldy. Mysaly, buǵan deıin Mysyrdaǵy qonaqúı qyzmetkerlerin vaksınasııalaý baǵdarlamasy bastaldy jáne epıdemıologııalyq qaýipsizdik erejelerin saqtaý úshin qonaqúı sektoryn muqııat baqylaý uıymdastyryldy.