*Osy kúnderi «Astana Ekspo-2017» halyqaralyq mamandandyrylǵan kórmesine daıyndyq qyzý júrip jatyr. Oǵan 5,5 mıllıonǵa jýyq adam keledi delinýde. Osyǵan baılanysty Astanada 2017 jylǵa qaraı 38 qonaqúı salý josparlanyp otyr. Búginde qalada 75 qonaqúı resmı tirkelip, jumys isteýde. Sonyń ishinde tórteýinde 150 jáne odan kóp nómir bolsa, qalǵan qonaqúılerde 4-30 nómirden ǵana bar.
*Osy kúnderi «Astana Ekspo-2017» halyqaralyq mamandandyrylǵan kórmesine daıyndyq qyzý júrip jatyr. Oǵan 5,5 mıllıonǵa jýyq adam keledi delinýde. Osyǵan baılanysty Astanada 2017 jylǵa qaraı 38 qonaqúı salý josparlanyp otyr. Búginde qalada 75 qonaqúı resmı tirkelip, jumys isteýde. Sonyń ishinde tórteýinde 150 jáne odan kóp nómir bolsa, qalǵan qonaqúılerde 4-30 nómirden ǵana bar.
*Bıyl Qyzylorda oblysynda jetim balalarǵa, ata-ananyń qamqorlyǵynsyz qalǵan balalarǵa arnalǵan otbasylyq aýyl salynady. Balalar aýyly 10-12 otbasylyq úıden quralatyn bolady. Ár úı 18 jasqa deıingi 7-10 balaǵa deıin uly men qyzy aralas turatyn otbasyna arnalady.
*Elimiz shekara qyzmetkerleri 2 kılo altyndy zańsyz alyp ótpek bolǵan 33 jastaǵy Qazaqstan azamatyn ustady. Qazaqstandyqty «Oral shekara otrıadyna qarasty «Jaıyq» baqylaý-ótkizý beketiniń baqylaýshylary Máskeý – Almaty baǵytyndaǵy jolaýshylar poıyzyn tekserý kezinde ustaǵan. Muny Ulttyq qaýipsizdik komıtetiniń baspasóz qyzmeti habarlady. Syrǵa, júzik sekildi altynnan jasalǵan buıymdardyń jalpy quny 10 mln. teńgege jýyqtaıdy eken.
*Aqmola oblysy Kindikqaraǵaı aýylynyń turǵyny Aqaıdar Daıyrov hımııalyq qospasyz pıma tigý isin qolǵa aldy. Ol úıiniń janynan ashylǵan shaǵyn sehta kúnine 2-3 jup pıma tigip shyǵarady. Bul azamat elektr qýatyn tıimdi paıdalanady, ıaǵnı pıma basýǵa arnalǵan ystyq sýdy ony keptirýge qaıta qoldanady. Bul otbasy aldaǵy ýaqytta jergilikti bılik tarapynan qoldaý kórsetilse, pıma zaýytyn ashýdy kózdep otyr. О́ıtkeni, soltústik aımaqqa asa qajetti osy jyly aıaq kıimniń 85 paıyzy qazir Reseıden tasymaldanýda.
*Elimiz aýmaǵyndaǵy joldarda ártúrli jaǵdaılarmen qalyp qoıǵan 120 jolaýshyǵa kómek kórsetildi. Aqmola oblystyq tótenshe jaǵdaılar departamentiniń habarlaýynsha, Astana – Shiderti baǵytyndaǵy tas joldyń 118-shi shaqyrymynda avtobýs buzylyp, qutqarýshylar 50 jolaýshyny dittegen jerine jetkizgen. Olar sondaı-aq, Pavlodarǵa qaraı jolǵa shyǵyp, Astana – Pavlodar trassasynda toqtap qalǵan kóliktegi 30 jolaýshyǵa da kómek kórsetken. Shyǵys Qazaqstan oblysynyń Zaısan qalasynan Astanaǵa qaraı bet alǵan úshinshi avtobýs Aqmola oblysynyń Selınograd aýdany mańynda qatty aıazǵa shydas bermeı, jarty jolda buzylyp qalǵan. Osy avtobýsta bolǵan 40 jolaýshyǵa basqa kólik bólindi.
*Almatylyq kásipker Edige Ibraıymov qazaqtyń kıiz úıin jańa tehnologııalarmen jabdyqtap, ekologııalyq turǵydan taza, ári arzan qonaq úıge aınaldyrýdy maqsat etip otyr. Ol kıiz úıdi sheteldik týrısterdi tartatyn tabys kózi dep biledi. «Qazaq úı» dep atalatyn bul qonaqúı keshenine jańa jabdyqtar ornatylady. Onyń jasaǵan jobasy negizinde kıiz úıde kún energııasynan elektr qýatyn óndiretin shaǵyn stansa, baılanys pen kompıýter jelisi, basqarý jáne qaýipsizdik júıesi, aýa temperatýrasyn retteý quraldary bolady. Bul qonaq úılerdi kásipker Omby – Maıqapshaǵaı, Almaty – О́skemen tas joldary boıyna ornalastyrmaq.
*Kaspıı teńizine aqqýlar kele bastady. Qazir teńiz jaǵalaýyna kún sýyqta jetetin jyl qustaryn tamashalaýǵa jurtshylyq asyǵýda. Tula boıyna sulýlyq tunǵan qus patshasy – aqqý kirshiksiz tazalyqtyń, qylaýsyz páktiktiń sımvoly. Aqqýdyń salmaǵy – 7-13 kılo. Qanatynyń qulashy – 1,5 metr. Erekshe uzyn da ásem moınyn tik ustaıdy. Sarǵysh qyzyl tumsyǵynyń ushy qara tústi. Mundaı sulýlyqty kórý úshin at arytyp alystan keletinder kóp.
«QazAqparat», Egemen.kz habarlary boıynsha daıyndaldy.