О́tken jyl Jetisý jeri úshin jetistikke toly jyl boldy. Adam ómirin qýanyshymen, shattyǵymen gúldendiretin baspana máselesi Almaty oblysynda memlekettik saıasatqa saı oń sheshimin tabýda. Tek Taldyqorǵan qalasynda jylan jyly barlyǵy 270 páterden turatyn 6 kópqabatty turǵyn úı paıdalanýǵa berildi.
О́tken jyl Jetisý jeri úshin jetistikke toly jyl boldy. Adam ómirin qýanyshymen, shattyǵymen gúldendiretin baspana máselesi Almaty oblysynda memlekettik saıasatqa saı oń sheshimin tabýda. Tek Taldyqorǵan qalasynda jylan jyly barlyǵy 270 páterden turatyn 6 kópqabatty turǵyn úı paıdalanýǵa berildi. «Qoljetimdi turǵyn úı-2020» memlekettik baǵdarlamasy, «Turǵyn úı qurylys jınaq banki» baǵdarlamasy aıasynda salynyp, kommýnaldyq, nesıelik bolyp bólinetin baspanalar negizinen áleýmettik jaǵynan az qamtamasyz etilgen otbasylaryna, UOS jáne eńbek ardagerlerine, Aýǵan soǵysyna qatysýshylarǵa, múgedekterge, áskerıler men polıseılerge jáne bıýdjettik sala qyzmetkerlerine bólindi. Al ótken jyldyń sońǵy kúni kilti tapsyrylǵan 60 páter áleýmettik jaǵynan az qamtamasyz etilgen otbasylaryn, naqtylaı tússek, 2 jyl zańdy nekede turǵan 29 jasqa deıingi jas otbasyn baspanaly bolý baqytyna bóledi. Balalaryn jetelep, basym bóligi kóterip ákelgen sol jastarǵa Almaty oblysynyń ákimi Ańsar Musahanov páter kiltin tapsyrýmen shektelmeı, búldirshinderine jańa jyldyq syılyq retinde qorabymen san alýan konfetter úlestirip, shadyman-shattyq syılady. Mundaıda qazaq «Qýansa – bala qýansyn» dep dóp basyp aıtqan ǵoı. Shyńyltyr aıazdy elemegen balalar kúlkisi kóńilderge qýanysh nuryn quıdy.
Nurbol ÁLDIBAEV,
«Egemen Qazaqstan».
Almaty oblysy.