Rojdestvo merekesimen quttyqtady

Memleket basshysy Nursultan Nazar­baev qazaqstandyq­tar­dy Rojdestvo merekesimen quttyqtady, dep habarlady Prezıdenttiń baspasóz qyzmeti.

Memleket basshysy Nursultan Nazar­baev qazaqstandyq­tar­dy Rojdestvo merekesimen quttyqtady, dep habarlady Prezıdenttiń baspasóz qyzmeti.

Pravoslavıe hrıstıandaryn jáne barsha qazaqstandyqtardy shýaqty mereke – Rojdestvomen shyn júrekten quttyqtaımyn! Bul mereke kóptegen ǵasyrlar boıy adamdardyń júregin eń jarqyn sezimderge – jaqynyńa degen súıispenshilik pen meıirimge toltyryp, únemi beıbitshilik pen jaqsylyqqa, izgi nıet pen ıgi isterge jetelep keledi. Bul máńgilik rýhanı qundylyqtar barlyq dinderdiń ókilderin biriktiredi. Olar Qazaqstannyń búkil jetistikteri men damýynyń berik negizi bolyp sanalady, delingen Prezıdenttiń qut­tyqtaýynda.

Memleket basshysy, sondaı-aq, bolashaqqa baǵyt ustaǵan elimizdiń qaıtalanbas kelbetin qalyptastyra otyryp, túrli máde­nıetter men salt-dástúrler bir-birin baıytyp jatqan bizdiń qoǵamnyń kúshi beıbitshilik pen kelisim irgetasyna taban tireıtinin atap kórsetedi. Qazaqstan barlyq etnostardyń ózindik jarqyn bolmysy men bekem birligi arasyndaǵy úılesimdilikti saqtap, áleýmettik-ekonomıkalyq damýdy nyǵaıta otyryp, qaryshtap alǵa basyp keledi, deıdi óziniń quttyqtaýynda Prezıdent.

Rojdestvony merekeleý iz­gilikpen jáne ıgi istermen baıla­nysty. Bul ózara kómek dás­túri men ózara syı-qurmetti ár­daıym basty orynǵa qoıatyn barsha halqymyz úshin mańyzdy. Táýelsizdiktiń alǵashqy kún­derinen bastap toleranttylyq pen konfessııaaralyq únqatysý Qazaqstannyń negizgi basymdyǵy bolyp keledi. Biz pravoslavıeni ustanatyn otandastarymyzdyń ortaq Otanymyz – Qazaqstan Respýblıkasynyń áleýmettik, ekonomıkalyq jáne rýhanı damýyna qosqan úlesin joǵary baǵalaımyz, delingen Prezıdenttiń quttyqtaýynda.

Memleket basshysy quttyq­taýy­nyń sońynda osy izgi merekede barshaǵa tatýlyq pen súıispenshilik, baqyt, ıgilik pen baq-bereke tileıdi.