Aımaǵymyzda turǵyn úı-kommýnaldyq sharýashylyǵyn jańǵyrtý sharasy júrgizile bastaǵanyna qýanyp qalǵan edik. Máselen, bul baǵdarlama boıynsha úılerdi jóndeýge jergilikti bıýdjetten qarajat bólinýi qarastyrylýy, onyń bir bóligin turǵyndar toltyrýy máseleni sheshýge septik eterine sengenbiz.
Aımaǵymyzda turǵyn úı-kommýnaldyq sharýashylyǵyn jańǵyrtý sharasy júrgizile bastaǵanyna qýanyp qalǵan edik. Máselen, bul baǵdarlama boıynsha úılerdi jóndeýge jergilikti bıýdjetten qarajat bólinýi qarastyrylýy, onyń bir bóligin turǵyndar toltyrýy máseleni sheshýge septik eterine sengenbiz. Qansha aıtqanmen, senim azaıǵan PIK-terden góri ákimdikterdiń baqylaýy arqyly tapsyrysty naqty oryndaýshylardyń iske tartylýy oń ózgeris kóringen. Alaıda, qadaǵalaý qatań bolmaıynsha munda da shala-sharpy jumystar, paıdakúnemdik oryn alǵandyǵyn byltyr qalamyzdaǵy Jambyl kóshesi boıyndaǵy 67-úıge keń kólemdi jóndeý jumystary júrgizilý barysynda baıqalyp qaldy. Sol úshin bólingen 40 mıllıon teńgeniń shyndyǵyn aıtqanda, úıdiń barlyq jaǵynan jańarýyna paıdasy shamaly boldy. Onyń qalalyq ákimdikke qaraǵan jaǵynyń ǵana syrty ádemi materıalmen qaptalyp, jarqyrasa, syrt kózge túsińkiremeıtin tustary sol qalpynda qaldy. Eń ókinishtisi, jertóle, jylý, aýyzsý qubyrlary tolyq tazartylmaı, sapaly jóndelmegen qalpynda qaldy. Mundaı shalaǵaı ister 1 a shaǵyn aýdanyndaǵy 16 jáne 17-úılerde de oryn aldy. Bilýimizshe, 2016 jylǵa deıin oblys qalalarynda 544 úı joǵarydaǵy baǵdarlama boıynsha jańarǵan qalypqa keltirilmek kórinedi. Sondyqtan ony iske asyrýshylarǵa talapty kúsheıtý qajet.
Aleksandr Shırıankın,
Saran qalasynyń turǵyny.
Qaraǵandy oblysy.