Qoǵamda uzaq jyldar boıy qordalanyp kelgen ózekti problemalardyń biri – jer máselesinde naqty qadamdar jasalyp, zań júzinde iske asyp jatyr. Jaqynda Memleket basshysy «Qazaqstan Respýblıkasynyń keıbir zańnamalyq aktilerine jer qatynastaryn damytý máseleleri boıynsha ózgerister men tolyqtyrýlar engizý týraly» Zańǵa qol qoıyp, saladaǵy birqatar mańyzdy máseleniń rettelýine jol ashty.
Jer komıssııasy qurylyp, birneshe otyrysy ótti. Komıssııa quramyndaǵy sarapshylar jan-jaqty talqylap, Prezıdent nazaryna usynǵan sheshimder aıaq asty qalmady. Jerdiń sheteldikterge satylmaıtynyn naqtylaǵan Memleket basshysy endigi kezekte osy saladaǵy kezek kúttirmeıtin máselelerge núkte qoıdy.Maqsaty boı̆ynsha paı̆dalanylmaı̆ jatqan jəne ıgerilmegen, ne Qazaqstan Respýblıkasynyń zańnamasyn buza otyryp paı̆dalanylyp júrgen jer ýchaskelerin anyqtaý jəne alyp qoıý týraly naqty nusqaýlyq berildi. Endi jergilikti atqarýshy organdar bul máselege jiti nazar salyp, Prezıdent tapsyrmasyn oryndaıdy ǵoı degen senimdemin. Sondaı-aq shekaralyq aı̆maq sheginde ornalasqan aýyl sharýashylyǵy maqsatyndaǵy jer ýchaskeleri el azamattaryna jəne sheteldik qatysy joq Qazaqstannyń zańdy tulǵalaryna ýaqytsha paı̆dalaný quqyǵymen beriletini de shegelendi.
Aqparattyń ashyq ári barshaǵa qoljetimdi bolýyn qamtamasyz etýdiń mańyzy talaı aıtyldy. Osyǵan oraı zańda jergilikti atqarýshy organdy bos jer ýchaskeleri jónindegi aqparatty memlekettik múlik tiziliminiń veb-portalynda, ózderiniń ınternet-resýrstarynda jəne halyqqa qoljetimdi jerlerdegi arnaýly aqparattyq stendterde derekterdi toqsan saı̆yn jańartyp otyrýǵa mindetteıdi. Bul jarııalylyq azamattyq qoǵamnyń qalyptasyp, odan ári damýyna zor úles qosady. Sebebi memlekettik organ ashyq bolsa, halyq ta barlyǵynan habardar bolyp, qarańǵyda qalmaıdy. Odan bólek, jer komıssııasynyń hattamalyq sheshimderi oblystyń, respýblıkalyq mańyzy bar qalanyń, astananyń, aýdannyń, oblystyq mańyzy bar qalanyń tıisti ýəkiletti organynyń ınternet-resýrsynda aı̆ saı̆yn jarııalanyp turýy kerek. Munyń barlyǵy halyqtyń ıgiligin kózdeıtin bastamalar ekeni sózsiz. Sol sebepti jer máselesinde jergilikti deńgeıde turalap qalǵan kóp máseleniń túıini tarqaıdy dep senemiz.
Tóleýtaı RAHYMBEKOV,
«Aýyl» partııasy tóraǵasynyń birinshi orynbasary, ekonomıka ǵylymdarynyń doktory