Qaraǵandy oblysy Temirtaý qalasy prokýrorynyń kómekshisi Qanysh Mamalınov kóligimen adam qaǵyp óltirdi. Bul týraly KTK telearnasy habarlady.
Buqar jyraý dańǵylymen júrip kele jatqan prokýratýra qyzmetkeri jaıaý júrginshini qaǵyp ketip, ony birneshe metrge deıin ushyryp jibergen. Bul oqıǵa jańa jyldyń basynda oryn aldy.
Qaıtys bolǵan azamat Astanadaǵy aýrýhanada jatqan kelinshegi men bir jasar balasyna barmaq bolyp, vokzalǵa bet alǵan eken. Qazir osy oqıǵaǵa baılanysty qylmystyq is qozǵalyp, tergeý amaldary júrgizilýde. «Saraptama nátıjesi Qanysh Mamalınovtiń ishimdik ishpegenin dáleldedi. Oryn alǵan oqıǵa abaısyzda jasalǵan qylmys bolyp esepteledi. Jalpy, buǵan baılanysty naqty tujyrymdy tergeý amaldary aıaqtalǵan soń, aıtamyz», - deıdi Temirtaý qalasynyń prokýrory Nurjan Súgirálıev.
Baqytbek Keneshuly.
Derekkóz: «KTK» telearnasy
Foto: Arnapress.kz.