IBF men IBO tujyrymdary boıynsha orta salmaqtaǵy álem chempıony Gennadıı Golovkın áleýmettik jelide rıngke qaıta oralýyna qatysty jazba qaldyrdy, dep habarlaıdy Egemen.kz.
«Men rıngke ózim jáne fanattarym úshin shyǵamyn. Jaqynda kórisemiz», dep jazdy GGG Twitter paraqshasynda.
Birneshe saǵattyń ishinde Golovkınniń jazbasyna júzdegen adam retvıt jasaǵan. Al pikir jazǵandar GGG-diń aldymen Demetrıýs Andradege qarsy jekpe-jek ótkizgenin qalaıtynyn jetkizdi. Alvarespen úshinshi jekpe-jek ótkizýge keńes bergender de bar.
Aıta keteıik, jeltoqsan aıynda Gennadıı Golovkın (41-1-1, 36 KO) orta salmaqtaǵy WBA chempıony japon Rıota Mýratamen (16-2, 13 KO) jekpe-jek ótkizýdi josparlap otyr. Al Matchroom Boxing promoýterlik kompanııasynyń basshysy Eddı Hırn GGG-diń qyrkúıekte taǵy bir jekpe-jek ótkizýi múmkin ekenin aıtqan.