Petropavlda el arasynda rezonans týdyrǵan úsh jasar qyzdyń ólimine qatysty sot úkimi shyqty. Balanyń anasy 10 jyl 6 aıǵa sottaldy, dep habarlaıdy Egemen.kz.
Soltústik Qazaqstan oblysy kámeletke tolmaǵandardyń isteri jónindegi mamandandyrylǵan aýdanaralyq sotynda serebraldy sal aýrýy bar balanyń ólimine qatysty is boıynsha úkim shyǵaryldy. Qyzdyń ólimine anasynyń áreketi sebep bolǵan.
Sot QR QK-niń 106-baby 3-bóligi boıynsha naqty bas bostandyǵynan aıyrý túrinde jaza taǵaıyndady.
«Golesheva qylmystyq quqyq buzýshylyq jıyntyǵy boıynsha 10 jyl jáne 6 aıǵa bas bostandyǵynan aıyryla otyryp, jazasyn ortasha qaýipsizdik mekemesinde ótesin», dedi sýdıa Álııa Jumabaeva.
Balanyń anasy mańyzdy mán-jaılardy jasyrǵan, dep túsindirdi Álııa Jumabaeva úkim shyǵarylǵannan keıin. Osyǵan baılanysty sýdıa áıel jasaǵan áreketi úshin shynaıy ókinetinine kúmán keltirdi.
Oqıǵanyń mán-jaıy týraly balany senimhat boıynsha asyraýyna alǵan Tatıana Zaharova aıtyp berdi. Anasy balany sábıler úıine tapsyrǵannan keıin Tatıana ony óz qamqorlyǵyna alǵan. Tatıana Zaharova balanyń anasyn aıyptap otyr.
«Balany qalaı shashynan ustap tartýǵa bolady? Men ony túsinbeımin. О́mir boıyna bostandyǵynan aıyrylsyn. Mundaı adamdar balaly bolmaýy kerek. Oǵan 10,5 jyl berildi, al bala ólip qaldy. Onyń bolashaǵy joq, ol birinshi synypqa barmaıdy», deıdi qyzdyń qamqorshysy Tatıana Zaharova.
Sot Ekaterına Golyshevamen azamattyq nekede turatyn er adamnyń balany urǵanyn dáleldeı almady.