Túrikmenstan Prezıdenti Gýrbangýly Berdimuhamedov pen mınıstrler kabınetiniń músheleri Reseı Federasııasynda jasalǵan jańa kememen Kaspıı teńizinde alǵashqy teńiz saıahatyn uıymdastyrdy, dep habarlaıdy Egemen.kz.
Bul týraly «Túrikmenstan: Altyn ǵasyr» basylymy habarlaǵan.
Reseı Federasııasynyń Tatarstan Respýblıkasynda jasalǵan «Rahat» jolaýshylar kemesi týrısterge arnalǵan. Kemeniń uzyndyǵy 33 metr jáne 100 teńiz mılin quraıtyn krýızdik dıapazony bar. Sondaı-aq jolaýshylar úshin barlyq jaǵdaı jasalǵan.
Aıta keteıik, kemedegi sapar kezinde Túrikmenstan basshysy úkimet múshelerimen Kaspıı teńiziniń túrkimen jaǵalaýyn odan ári damytý máselelerin talqylady.