Lagerdiń maqsaty – jasy10-13 aralyǵyndaǵy balalarǵa óskende kim bolǵysy keletinin anyqtaýǵa kómektesý, sondaı-aq qarjylyq tabysqa qol jetkizý joldary týraly qarapaıym tilde áńgimeleý. Birinshi aǵymnyń qatysýshylary úshin sabaqtar 12 shildede bastalady. Bul týraly Freedom Finance Insurance qoǵammen baılanys qyzmeti habarlady, dep jazady Egemen.kz.
Lagerdiń uıymdastyrýshysy - Freedom Finance Life ómirdi saqtandyrý kompanııasy. Alǵashqy lager 2019 jyldyń shildesinde iske qosylǵan. Jobany QR Qarjy naryǵyn retteý jáne damytý jónindegi Agenttigi qoldaǵan. Sol ýaqyt ishinde, lagerge 200 astam balalar qatysty.
Freedom Finance Camp - qarjylyq saýattylyq boıynsha ınteraktıvti oqý sabaqtarynyń kýrsy. Sabaqta mamandar ártúrli oıyn túrinde balalarǵa aqshany qalaı aqylmen tabý, jınaqtaý jáne jumsaýdy úıretedi. Odan basqa, balalar qor naryǵy, saqtandyrý, depozıtter jáne jyljymaıtyn múlik týraly bile alady. Kýrs aıaǵynda, qatysýshylar óz jobasyn usynady, bolashaqta kim bolǵysy keledi jáne maqsatyna qalaı jetý týraly áńgimeleıdi.
«Bizdiń lager – tegin jáne lagerge qatysý nıeti barlardyń sany jyldan-jylǵa ósýde. Alaıda, oryndar shekteýli. Byltyr, karantın kezinde lager qashyqtan jumys istegende, biz tek 100 balaǵa sabaq bere aldyq. Bul joly sheńberin keńeıtýdi sheshtik, qatysýshylar ornyn kóbeıttik, sabaqty onlaın jáne offlaın rejıminde júrgizý jaǵdaıyn uıymdastyrdyq. Qaýipsizdik erejeleri saqtalǵan jáne oqý jaıly shyǵarmashylyq atmosferada júrgiziledi», dep málimdedi Freedom Finance Life Basqarma Tóraǵasy Azamat Erdesov.
Sabaqtar 2 saǵat onlaın jáne offlaın formatta, qazaq jáne orys tilinde júrgiziledi. Topta bir mezgilde 20 adam oqıdy.
Lager 30 tamyzǵa deıin jumys isteıdi.