Jyl basynan beri RF-nyń polıseıleri izdeý jarııalaǵan 12 qylmysker SQO aýmaǵynda ustaldy, Egemen.kz.
Olardyń kóbi Omby oblysynda qylmystar jasaǵany úshin izdeýde bolǵan. Alaıda Qazaqstanmen shektespeıtin aımaqtarda da izdeý salynǵandar bar. Máselen, Kalınıngrad, Chelıabi, Vladımır oblystarynda izdeý jarııalanǵandar da SQO-ny saǵalapty.
Solardyń ishinde 42 jastaǵy er adam shekarany zańsyz kesip ótkeni úshin reseılik quqyq qorǵaý organdary qyzmetkerleriniń nazaryna ilikken. Al 26 jastaǵy bizdiń jerlesimiz Ombyda esirtki qylmystaryn jasaǵany úshin izdestirilgen eken. Ustalǵan adamdardyń birazy aýyr dene jaraqattaryn keltirý, bılik ókiline qatysty kúsh qoldaný, zańsyz kóshi-qondy uıymdastyrý sııaqty qylmystar jasaǵan.