Moldovada ótken parlament saılaýynyń nátıjesinde zań shyǵarý organyna úsh partııa ótti, dep jazady Egemen.kz.
Moldova ortalyq saılaý komıssııasynyń habarlaýynsha, Prezıdent Maııa Sandýdyń «Áreket jáne yntymaq» partııasy (PAS) saılaýshylardyń 47% daýysyn jınap, ozyq shyqqan.
Olardyń negizgi qarsylasy kommýnıster men sosıalısterdiń partııasy (BeCS) 31% daýys jınaǵan. Atalǵan partııanyń jetekshileri – Moldovanyń burynǵy basshylary Vladımır Voronın men Igor Dodon.
Al kásipker Ilan Shor basqaratyn «Shor» ulttyq-konservatıvtik partııasy 6,65% daýys alǵan.
OSK-nyń málimetinshe, kezekten tys parlament saılaýynda óreskel zańbuzýshylyq baıqalmaǵan. Saılaýǵa barlyǵy 20 partııa túsken. Daýys berýge quqyǵy bar azamattardyń 48,1%-y qatysqan.