Argentınada «Dakar-2014» rallı marafonyna qatysyp jatqan qazaqstandyq kólik janyp ketti. Bul týraly 24.kz habarlady.
San-Lýıstan San-Rafael qalasyna kele jatqan kezde Baýyrjan Isabaev pen Ǵabdýlla Áshimov mingen «Proto Overdrive» jol talǵamaıtyn kóliginen órt shyqty. Abyroı bolǵanda, júrgizýshi men shtýrman zardap shekken joq. Alaıda, olardyń avtokólikteri túgi qalmaı janyp ketken. Budan bólek, aıtýly dodaǵa elimizdiń taǵy úsh ekıpajy qatysýda. Onyń ekeýi jol talǵamaıtyn kólikter sapynda saıysqa tússe, bireýi júk kólikteriniń arasynda baq synaıdy. «Dakar-2014» rallı marafonynyń ekinshi kezeńi aıaqtaldy. Qazaqstan atynan óner kórsetip jatqan ekinshi jol talǵamaıtyn kólik márege 31-bolyp jetti. Aıdyn Rahymbaev pen Vladımır Demıanenko basqarǵan kólik 789 shaqyrymdy 5 saǵat 11 mınýt 9 sekýndta baǵyndyrdy.
Aıdar О́risbaev.
Derekkóz: 24.kz
Foto: Vesti.kz