Qostanaı oblysynda órt sóndirýshiler iri orman órtin úsh kún boıy sóndirdi, dep habarlaıdy Egemen.kz.
«10 shilde kúni saǵat 12:50-de Qostanaı aýdanyndaǵy «Prıgorodnoe» orman sharýashylyǵy basqarmasynyń aýmaǵynda, Tobyl qalasynan 30 shaqyrym jerde iri orman órti sóndirildi. О́rt 8 shilde kúni saǵat 10:40-ta bastalǵan. Qýraǵan shóp, qaraǵaı men qaıyń janyp ketti. Jalynmen kúresti ekpindi jel men ystyq kún raıy qıyndatty», dep habarlady vedomstvodan.
Jalynmen kúreske TJD kúsh-quraldary, jergilikti atqarýshy organdar men polıseıler jumyldyrylǵan.
«Orman silemin qorǵaý maqsatynda «Qazáýequtqarý» AQ-nyń MI-8 tikushaǵy tartyldy. Qutqarýshy tikushaq áýeden 60 ret sý shashty, shashylǵan sýdyń kólemi 200-ge jýyq tonnany quraǵan. Aldyn ala esep boıynsha, jalyn 300 gektar jerdi sharpyǵan. Qazirgi kezde órttiń shyǵý sebepteri anyqtalyp jatyr», dep túsindirdi TJD-dan.
Jalynmen kúres 9 shilde kúngi saǵat 21:00-de jarııalanyp, kelesi kúni túske qaraı tolyq sóndirildi.
Qaza tapqandar men zardap shekkender joq. Ormandaǵy órtti sóndirý úshin 315 adam men 40-tan astam tehnıka jumyldyrylǵan.