«Otandastar qory» KEAQ shetelde turatyn otandastarǵa qazaq tili kýrstaryn uıymdastyrý úshin 12 elde 31 onlaın synyp ashqan. Bul týraly qordyń vıse-prezıdenti Maǵaýııa Sarbasov aıtty, dep jazady Egemen.kz.
Onlaın synyptar teledıdar, noýtbýk, kamera, taǵy basqa qajetti zamanaýı tehnıkalarmen qamtylǵan.
Qor prezıdentiniń aıtýynsha, 2020 jyly 300-den astam onlaın tegin sabaq ótkizildi. Oǵan myń jarym adam qatysyp, 400-ge jýyǵy qazaq tilin jetik meńgerdi degen sertıfıkat aldy.
Al 2021 jyly 350 tegin onlaın sabaq ótkizildi. Onda 900 qandas testileýge qatysyp, qazaq tilin meńgerip shyqty.
«Qazirgi ýaqytta QR Bilim jáne ǵylym mınıstrliginiń qoldaýymen sheteldegi qandastarǵa qazaq tilin úıretý boıynsha ortaq ámbebap oqý quraly ázirlenýde. Sebebi, latyn qarpimen nemese tóte jazýmen saýat ashqan balalarǵa kırıllısa úıretý qıyn. Sondyqtan, ámbebap ádisnama qajet boldy. Bul qural jyl sońyna deıin daıyn bolýy múmkin», deıdi Maǵaýııa Sarbasov.