Indýstrııa jáne ınfraqurylymdyq damý birinshi vıse-mınıstri Qaıyrbek О́skenbaev elimizde turǵyn úı baǵasyna qatysty óz boljamyn usyndy, dep habarlaıdy Egemen.kz.
«Biz únemi baǵa boljamy boıynsha monıtornıg júrgizip otyramyz. Bıyl qańtar aıynda jańa turǵyn úıdiń baǵasy 3,8 paıyzǵa ósse, qoldanystaǵy úıdiń baǵasy 7,2 paıyzǵa artqan. Al maýsym aıynda jańa úıdiń baǵasy 0,9 paıyzdy kórsetse, qoldanystaǵy baspana baǵasy 1,2 paıyzdy qurap otyr. Aıtar bolsaq, Petropavl qalasynda qańtar-aqpan aılarynda qoldanystaǵy turǵyn úıdiń baǵasy 5,6 keıde 4,6 paıyzǵa deıin óskeni baıqaldy. Sáýir aıynda tómendeý baıqaldy ıaǵnı 2,4 paıyzǵa tómendedi, qazir de osy baǵa saqtalyp tur deýge bolady», dedi Q. О́skenbaev OKQ-de ótken baspasóz máslıhatynda.
Onyń aıtýynsha, elimizde jaz aılarynda turǵyn úı baǵasynyń turaqtanýy buǵan deıin de boljandy.
«Bizdiń boljam boıynsha turǵyn úı baǵasy maýsym-shilde aılarynda turaqtandy, buǵan deıin bolǵan baǵa ósimi zeınetaqy jınaǵyn baspana alýǵa ruqsat etilýimen baılanysty. Búginde ol másele de bir retke keldi. Meniń jeke boljamym boıynsha aldaǵy qyrkúıek aıynda turǵyn úı baǵasynyń tómendeýi kútiledi», deıdi ol.